શેરબજાર / આ ગુજરાતીની કંપનીના શૅરનો ભાવ રેકોર્ડજનક વધ્યો, સંપત્તિ એટલી વધી કે સીધા ટોપ 20માં શામેલ

• અવેન્યુ સુપરમાર્ટે આઇટી કંપની વિપ્રોને પાછળ છોડીને બની સૌથી મોટી એમકેપ વાળી કંપની
• શૅર બજાર બંધ થયા બાદ બીએસઇ પર અવેન્યૂ સુપરમાર્ટનું એમકેપ 1.55 લાખ કરોડ રૂપિયા થયું
• ટોપ એમકેપ વાળી કંપનીઓના લિસ્ટમાં અવેન્યૂ સુપરમાર્ટ 18માં સ્થાન પર પહોંચી ગઇ

વિપ્રો આ સૂચીમાં 21માં સ્થાન પર છે. અવેન્યૂ સુપરમાર્ટ સુપરમાર્કેટ ચેન ડી-માર્ટનું સંચાલન કરે છે. હાલ અવેન્યૂ સુપરમાર્ટ સૌથી વધુ માર્કેટ કેપિટલાઇજેશન વાળી કંપનીઓની લિસ્ટમાં 18માં સ્થાને છે. ત્યાર બાદ નેસલે ઇન્ડિયા અને બજાજ ફાઇનાન્સ સર્વિસ અનુક્રમે 19 અને 20માં સ્થાને છે. 

અવેન્યુ સુપરમાર્ટે ગત સપ્તાહે જ વિપ્રોને હટાવીને સૌથી વધુ એમકેપ ધરાવતી ટોપ 20 કંપનીઓમાં સ્થાન મેળવ્યું હતું. અવેન્યૂ સુપરમાર્ટનો શૅર બીએસઇ પર 11 ટકા ઉછાળ સાથે 2,537 રૂપિયા પર બંધ થયો. આ સાથે શૅર બજાર બંધ થયા બાદ બીએસઇ પર અવેન્યૂ સુપરમાર્ટનું એમકેપ 1.55 લાખ કરોડ રૂપિયા થયું. 

અવેન્યૂ સુપરમાર્ટ 21 માર્ચ 2017એ શૅર બજારમાં લિસ્ટ થયું હતું. ત્યારથી લઇને અત્યાર સુધીમાં કંપનીના શૅરમાં 251 ટકાનો ઉચકાયા છે. રિલાયન્સ ઇન્ડસ્ટ્રીઝ હાલ દેશમાં સૌથી મોટી એમકેપ વાળી કંપની છે. રિલાયન્સ ઇન્ડસ્ટ્રીઝનું એમકેપ 9,17,953.13 કરોડ રૂપિયા છે. ત્યારબાદ ટીસીએસનું એમકેપ 8,04,980.33 કરોડ રૂપિયા છે.