સોશિયલ મીડિયામાં રાતોરાત વાયરલ થનાર પ્રદિપ મેહરા સામે યુપી સરકારે મદદનો હાથ લંબાવ્યો છે. પ્રદિપ મહેરાનો દોડતો વીડિયો વાયરલ થયો હતો. સોશિયલ મીડિયામાં પોસ્ટ, સ્ટોરી કે ગ્રુપ ચેટ સહિત તમામ જગ્યાએ આ વીડિયોએ ધૂમ મચાવી હતી. વિનોદ કાપડીએ આ વીડિયો પોતાના ટ્વિટર અકાઉન્ટ પર શેર કર્યો હતો જે બાદ યુઝર્સ તેના વખાણ કરતા થાકી નથી રહ્યા. પોતાના ધ્યેયને પ્રાપ્ત કરવા માટેની મહેનત અને ધગશને લોકો સેલ્યુટ કરી રહ્યા છે. ત્યારે ઉત્તર પ્રદેશના ગૌતમબુદ્ધ નગરના ડીએમએ પણ પ્રદિપની નોંધ લીધી હતી.
ડીએમ સુહાસ એલવાયને મળ્યો પ્રદીપ
પ્રદીપ મંગળવારે ગૌતમ બુદ્ધ નગરના ડીએમ સુહાસ એલવાયને મળ્યો હતો. ડીએમ સુહાસ એલવાયએ પ્રદીપ અને તેના ભાઈ સાથે લગભગ 15 મિનિટ સુધી વાત કરી. DM એ સમજવાનો પ્રયત્ન કર્યો કે પ્રદીપની આર્થિક સ્થિતિ શું છે અને તેને કઈ વસ્તુઓની જરૂર છે.પ્રદીપે જણાવ્યું કે તે 12મું પાસ છે. તેણે હજુ સુધી ગ્રેજ્યુએશનમાં એડમિશન લીધું નથી, જો કે તે આર્મીમાં જોડાવા માંગે છે. આ માટે તે સતત મહેનત કરી રહ્યો છે.
ડીએમ સુહાસે કરી પ્રશંસા
પ્રદીપ સાથે વાત કરતી વખતે, ડીએમ સુહાસ એલવાયએ તેમની પ્રશંસા કરી અને કહ્યું કે આજે તમે ઘણા લોકો માટે પ્રેરણા સ્ત્રોત બની ગયા છો, પરંતુ તે ખૂબ જ મહત્વપૂર્ણ છે કે તમે તમારા લક્ષ્યને સ્પષ્ટ રાખો અને તેના માટે સખત મહેનત કરતા રહો. ડીએમએ કહ્યું કે પ્રદીપની ઉંમરના બાકીના બાળકો ગેજેટ્સમાં વ્યસ્ત છે, તેથી પ્રદીપે ફિટનેસ પર ધ્યાન આપ્યું એ મોટી વાત છે. ડીએમ સુહાસ એલવાય પોતે પણ ઓલિમ્પિક મેડલિસ્ટ છે. તેણે કહ્યું કે પ્રદીપની દોડ ઘણી સારી છે, જો તે ઈચ્છે તો સેનાના સમર્થન દ્વારા પોતાનું ભવિષ્ય પણ સુધારી શકે છે.
વિવિધ કોલેજો આપી રહી છે ઑફર
પ્રદીપની વીડિયો વાયરલ થયા બાદ ચોમેર તેની પ્રશંસા થઇ રહી છે. પ્રદીપે ડીએમને કહ્યું હતું કે વાયરલ થયા બાદ ઘણી સંસ્થાઓ અને કોલેજો તેમના સંપર્કમાં છે અને તેમને મફતમાં પ્રવેશ આપવા તૈયાર છે. તેના પર ડીએમએ કહ્યું કે તે પ્રદીપને કહેશે કે તેણે કઈ કોલેજમાં એડમિશન લેવું જોઈએ. ડીએમએ પ્રદીપનું કરિયર કાઉન્સેલિંગ કરાવવાની પણ વાત કરી છે.
“मेहनत सुनसान होनी चाहिए, कामयाबी का शोर होना चाहिए”
ડીએમએ પ્રદીપને તેની માતાની સારવાર વિશે પણ માહિતી આપી હતી. પ્રદીપે જણાવ્યું કે તેની માતાને ટીબી છે અને તેની સારવાર દિલ્હીની એક હોસ્પિટલમાં ચાલી રહી છે. ડીએમએ પ્રદીપ પાસેથી તેની માતાની સારવારના કાગળો લીધા અને કહ્યું કે તે તેનો રિપોર્ટ ગૌતમ બુદ્ધ નગરની હોસ્પિટલમાં બતાવશે. જો શક્ય હોય તો, તે તેની માતાને ગૌતમ બુદ્ધ નગરમાં સારવાર માટે લાવી શકે છે. જોકે, આ નિર્ણય સંપૂર્ણપણે પ્રદીપ પર છોડી દેવામાં આવ્યો હતો.
This morning @atulkasbekar took my address and with in few hours , a @PUMA sports kit with Running shoes, Apparels, backpack , socks was there at my door step for #PradeepMehra and with in no time we delivered it to him.
પત્રકાર અને ફિલ્મ મેકર વિનોદ કાપડીએ પોતાના ટ્વિટર એકાઉન્ટ પર પ્રદીપ મેહરાનો એક વીડિયો પોસ્ટ કર્યો હતો. જેમાં તે વિનોદ કાપડીના સવાલોના જવાબ આપતા જણાવે છે કે તેને આર્મીમાં જોડાવાની ઇચ્છા હોવાથી તે રનિંગની પ્રેક્ટિસ કરે છે. દિવસ દરમિયાન જોબ હોવાથી તે પ્રેક્ટિસ કરી શકતો નથી. આથી તે ડ્યુટી પરથી ફ્રી થઇને દોડતો ઘરે જાય છે. વીડિયોમાં તે એમ પણ કહે છે કે તેની માતા હોસ્પિટલમાં છે અને ઘરે જઇને ભાઇ માટે જમવાનું બનાવવાનું છે. આમ તે રોજે 10 કિલોમીટરનું અંતર દોડીને કાપે છે.