ડ્રાઈવિંગ લાયસન્સ માટે ઓનલાઈન સિસ્ટમ બાદ ફક્ત ડ્રાઈવિંગ ટેસ્ટ અને ફિટનેસ માટે જ લોકોએ આરટીઓ ઓફિસ આવવાનું રહેશે.
ડ્રાઈવિંગ લાયસન્સની પ્રોસેસ થઈ સરળ
RTO દરેક કામ ઓનલાઈન કરવા જઈ રહી છે
હવે આટલા કામ માટે જ જવું પડશે RTO ઓફિસ
કેન્દ્ર સરકાર ડ્રાઈવિંગ લાયસન્સની સાથે જોડાયેલી તમામ સેવાઓને ઓનલાઈન કરવા માટે કામ કરી રહી છે. આ સાથે એક હેલ્પ ડેસ્ક બનાવાયું છે. દેશના દરેક RTOના કામ માટે હવે ઓનલાઈન સિસ્ટમ કામ કરશે. કોશિશ કરાઈ રહી છે કે લાયસન્સ રિન્યુઅલ, ડુપ્લીકેટ લાયસન્સ, એડ્રેસ ચેન્જ અને આરસી બનાવવા માટે પણ લોકોને આરટીઓ ઓફિસ જવું ન પડે. લોકો ઘરે બેસીને જ ડોક્યૂમેન્ટ્સ અપલોડ કરી શકે. ઓનલાઈન સિસ્ટમ બાદ ફક્ત ડ્રાઈવિંગ ટેસ્ટ અને ફિટનેસ માટે જ લોકોએ આરટીઓ ઓફિસ આવવાનું રહેશે. સાથે વીઆઈપી નંબરના રજિસ્ટ્રેશન માટેની પ્રોસેસ પણ ઓનલાઈન કરી દેવામાં આવી છે.
ડ્રાઈવિંગ લાયસન્સ બનાવવાનું થયું સરળ
યૂપી, બિહાર, એમપી, રાજસ્થાન, ઉત્તરાખંડ, ઝારખંડ જેવા રાજ્યોએ લર્નિંગ લાયસન્સ અને ગાડીના રજિસ્ટ્રેશન માટે નવા નિયમો લાગૂ કર્યા છે. જેમાં રાજ્યોમાં ફક્ત ઓનલાઈન અરજી જ સ્વીકારવામાં આવી રહી છે. આ રીતે આ પ્રક્રિયા ઓનલાઈન કરી દેવાશે.
ડ્રાઈવિંગ લાયસન્સ સહિતની આ સેવાઓ માટે નહીં જવું પડે RTO ઓફિસ
ખાસ કરીને લાયસન્સ સંબંધિત સેવાઓ માટે હવે પરિવહન વિભાગની વેબસાઈટ પર જઈને ડ્રાઈવિંગ સેવાઓ પર ક્લિક કરવાનું રહે છે. ફોર્મ ભરતી સમયે તમારા ડીએલ નંબરની સાથે અન્ય જાણકરી આપવાની રહે છે. ડ્રાઈવિંગ લાયસન્સ સંબંધિત અન્ય જરૂરી કાગળને પણ વેબસાઈટ પર અપલોડ કરવાના રહે છે. RTO ઓફિસમાં બાયોમેટ્રિક ડિટેલ્સની તપાસ બાદ તેની તપાસ થશે અને તમને નવું લાયસન્સ મળી જશે. કોશિશ કરાઈ રહી છે કે લાયસન્સ રિન્યુઅલ, ડુપ્લીકેટ લાયસન્સ, એડ્રેસ ચેન્જ અને આરસી બનાવવા માટે પણ લોકોને આરટીઓ ઓફિસ જવું ન પડે. લોકો ઘરે બેસીને જ ડોક્યૂમેન્ટ્સ અપલોડ કરી શકે.
આવો છે નિયમ
નવા મોટર વાહન કાયદાને લાગૂ કર્યા બાદ લાયસન્સ બનાવવાનું સરળ બન્યું છે. જો લાયસન્સ વિના ગાડી ચલાવતા પકડાશો તો 5000 રૂપિયાનો દંડ લેવાશે.