કોઈ પણ વ્યક્તિ ડ્રાઈવિંગ લાયસન્સ એક્સપાયર થયાના એક વર્ષની અંદર રિન્યૂ નહીં કરાવો તો તમારે ફરીથી ડ્રાઈવિંગ ટેસ્ટ આપવાની રહેશે. તેની પર અનેક લોકોએ કહ્યું છે કે લાયસન્સ રિન્યૂ ન હોવાના કારણે કોઈ ડ્રાઈવિંગ ભૂલી જતું નથી.
ડ્રાઈવિંગ લાયસન્સ એક વર્ષ પહેલાં એક્સપાયર થયું છે તો ફરીથી ડ્રાઈવિંગ ટેસ્ટ આપવી પડશે.
નવા MV એક્ટમાં એક વર્ષનું લાયસન્સ આપવામાં આવે છે.
પહેલાં 5 વર્ષ સુધી ફક્ત નોમિનલ ફીસ આપીને ડીએલ રિન્યૂ થતું હતું.
જો તમારું ડ્રાઈવિંગ લાયસન્સ એક વર્ષ પહેલાં એક્સપાયર થયું છે અને હાલ સુધી તમે તેને રિન્યૂ કરાવ્યું નથી તો તમે ટેસ્ટ માટે તૈયાર થઈ જાઓ. પહેલાં ટેસ્ટ એ લોકો માટે અનિવાર્ય હતું જેમને 5 વર્ષ પહેલાં પોતાનું લાયસન્સ રિન્યૂ કરાવ્યું ન હોય. નવા મોટર વ્હીકલ એક્ટમાં આ સમયને ઘટાડી દેવામાં આવ્યો છે.
પરિવહન વિભાગે કહી આ વાત
એક યૂઝરે દલીલ કરતાં કહ્યું છે કે શું લાયસન્સ રિન્યૂ ન હોય તો કોઈ ગાડી ચલાવતા ભૂલી થોડું જાય. પરિવહન વિભાગે કહ્યું છે કે લોકોને લાગે છે કે તેમને લૂંટવામાં આવી રહ્યા છે. પણ આ નિયમ છે કે ડેડલાઈન પૂરી થયા બાદ ટેસ્ટ આપ્યા વિના લાયસન્સ રિન્યૂ કરી શકાય નહીં.
પહેલાં હતો આ નિયમ
નવા મોટર વ્હીકલ એક્ટના આધારે અન્ય કોઈ વ્યક્તિ લાયસન્સ એક્સપાયર થવા માટે એક વર્ષ પહેલાંથી એક વર્ષ બાદ એપ્લાય કરી શકે છે. જો તેનાથી વધારે વાર લાગે છે તો ફરી ટેસ્ટ આપવાની રહેશે. સપ્ટેમ્બરમાં એક સંશોધનમાં કહેવાયું છે કે પહેલાં કોઈ પણ વ્યક્તિ નોમિનલ ફી આપીને પાંચ વર્ષ સુધી પોતાના લાયસન્સ રિન્યૂ કરાવી શકતા હતા. પાંચ વર્ષ પછી ડ્રાઈવિંગ ટેસ્ટ આપવાનો હતો.
સડકોના આકાર-પ્રકાર બદલાઈ રહ્યા છેઃ અધિકારી
અધિકારીના કહેવા અનુસાર અમારા કહેવાનો અર્થ એવો નથી કે વ્યક્તિ ડ્રાઈવિંગ ભૂલી જાય છે પણ સડકોના આકાર-પ્રકાર બદલાઈ રહ્યા છે અને એ સમયે જાણી લેવું જરૂરી છે કે નવા નિયમો અને સડકોથી ચાલક વાકેફ છે કે નહીં.