IPLIN
 
  • Home
  • India
  • dk shivakumar arrested ed money laundering case

વિરોધ / ડી.કે.શિવકુમારની ધરપકડ: સમર્થકોએ બસના કાચ ફોડ્યા તો ક્યાંક કપડાં ફાડી કર્યો વિરોધ

Team VTV 11:48 PM, 03 Sep 19 | Updated: 08:19 AM, 04 Sep 19
Follow us
dk shivakumar arrested ed money laundering case

મની લોન્ડરિંગ કેસમાં ED એ કોંગ્રેસના વરિષ્ઠ નેતા ડી.કે.શિવકુમારની ધરપકડ કરી છે. કર્ણાટકના અગ્રણી નેતા ડી.કે.શિવકુમારની ધરપકડ થયા બાદ ઠેર-ઠેર દેખાવો યોજવામાં આવી રહ્યા છે. આ દરમિયાન, દિલ્હીની આરએમએલ હોસ્પિટલની બહાર ડીકે શિવકુમારના સમર્થકે રડવાનું શરૂ કર્યું અને પોતાનો શર્ટ ફાડી નાખ્યો હતો. આ સાથે જ અન્ય સ્થળોએ પણ બસોની તોડફોડ કરવામાં આવી હતી.

નોંધનીય છે કે, મંગળવારે મોડી સાંજે કોંગ્રેસના નેતા ડીકે શિવકુમારની ધરપકડ કરવામાં આવી હતી અને તેમને રામ મનોહર લોહિયા હોસ્પિટલ મોકલવામાં આવ્યા હતા. ત્યારે આ ઘટના અંગેના સમાચાર વાયુવેગે પ્રસરી જતા મોટી સંખ્યામાં સમર્થકો ED કચેરીના બહાર ધસી આવ્યા હતા અને વિરોધ કર્યો હતો. આ સાથે જ ડીકે શિવકુમારને લઇ જવામાં પણ ઇડીના અધિકારીઓને મુશ્કેલી પડી હતી. 

સમર્થકોએ પોલીસની ગાડી પર હાથ પછાડ્યા હતા તો કેટલાક સમર્થકોની આંખમાં આંસુ પણ આવ્યા હતા. તેઓ રડી રહ્યા હતા અને ડીકે શિવકુમારની ધરપકડનો વિરોધ પણ કરી રહ્યા હતા. આ દરમિયાન એક સમર્થકે RML હોસ્પિટલ બહાર પોતાનો શર્ટ ફાડી નાંખ્યો હતો.  આ તરફ બેંગલુરુ અને બેલાગામમાં ડીકે શિવકુમારની ધરપકડના વિરોધમાં બસોમાં તોડફોડ કરવામાં આવી હતી. 

બદલાની રાજનીતિનો શિકાર

કોંગ્રેસ નેતા ડીકે શિવકુમારે પોતાની ધરપકડ મામલે ટ્વીટ કર્યું હતું. તેમણે ભારતીય જનતા પાર્ટી પર પ્રહાર કરતા લખ્યું કે, હું મારા ભાજપના મિત્રોને શુભેચ્છા પાઠવવા ઇચ્છુ છું. અંતે તેમને મારી ધરપકડ કરવાના હેતુમાં સફળતા મળી છે. IT અને ED મામલે જે મારી વિરૂદ્ધ દાખલ કરવામાં આવેલ છે તે રાજકીય પ્રેરિત છે. હું ભાજપની બદલો લેવાની રાજનિતીથી પીડિત છું. 

ટેકેદારોને નિરાશ ન થવાની કરી અપીલ

બીજા એક ટ્વીટમાં ડી.કે.શિવકુમારે લખ્યું કે, 'હું મારા પક્ષના કાર્યકરો અને ટેકેદારોને નિરાશ ન થવાની અપીલ કરું છું. મેં કંઈપણ ખોટું કર્યું નથી. મને ભગવાન અને દેશના ન્યાયતંત્ર પર પૂરો વિશ્વાસ છે. મને વિશ્વાસ છે કે હું ન્યાયિક અને રાજકીય બંને રીતે બદલાની રાજનીતિને હરાવવામાં સફળ રહીશ.

કોંગ્રેસી કાર્યકરોએ નોંધાવ્યો વિરોધ

નોંધનીય છે કે, ડીકે શિવકુમારના વકીલ તેમના જામીન માટે કોર્ટમાં અરજી દાખલ કરશે. દિલ્હી સ્થિત ઇડીની ઓફિસની બહાર કોંગ્રેસ નેતા ડીકે શિવકુમારની ધરપકડનો વિરોધ કર્યો હતો. કોંગ્રેસી કાર્યકર્તાઓ મોટી સંખ્યામાં ED ના મુખ્ય મથક બહાર એકઠાં થયાં હતા. 
 

ગુજરાતી ન્યૂઝ congress DK Shivakumar Enforcement Directorate Prevention of Money Laundering Act
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ