VIDEO / યુવાનો ભૂલ્યા ભાન..ઝૂમ્યા ડીજેના તાલે, સુરતમાં કોરોનાના વધતા કેસ વચ્ચે યોજાઈ DJ પાર્ટી, જુઓ વીડિયો થયો વાયરલ 

• કોરોનાના વધતા કેસ વચ્ચે DJ પાર્ટી
• ઉમરા વિસ્તારમાં યોજાઇ DJ પાર્ટી
• માસ્ક વિના પાર્ટીમાં ઝૂમ્યા યુવાનો

સુરતમાં કોરોનાએ કહેર મચાવ્યા બાદ સ્થિતિ થોડી થાળે પડી છે ત્યારે સુરતમાં ડીજે પાર્ટીનો એક વીડિયો સામે આવ્યો છે, મહત્વું છે કે કોરોના કેસ ઘટ્યા છે પરતું કોરોનામાંથી સંપૂર્ણ મુક્તિ મળી નથી, હજુ પણ કોરોનાની ત્રીજી લહેરની શક્યતાઓ જોવાઈ રહી છે ત્યારે સોશિયલ ડિસ્ટસિંગ અને કોવિડ ગાઈડલાઈનના ના ધજાગરા ઉડતા જોવા મળ્યા હતા. 

માસ્ક વિના પાર્ટીમાં ઝૂમ્યા યુવાનો

સુરતના ઉમરા વિસ્તારમાં કારગિલ ચોક પાસે DJ પાર્ટીનું આયોજન કરાયું હતું, મિ.મેન્કેટ હોલમાં કરાયેલા આ ડીજે પાર્ટીમાં મોટી સંખ્યામાં યુવાનો માસ્ક વિના ઝૂમતા નજરે પડ્યા હતા,એક તરફ ગઈ કાલે સુરતના અઠવા વિસ્તારમાં આવેલા મેઘ મયુર ઍપાર્ટમેન્ટમાં એક સાથે 9 કેસ પોઝિટિવ આવ્યા છે ત્યારે સુરતમાં જ ડીજે પાર્ટીનો વીડિયો સામે આવ્યો છે,ત્યારે સવાલ એ થાય કે, સરકારે છૂટછાટ આપી તો કોરોનાની ગંભીરતા કેમ ભૂલાઈ? આ વીડિયા સામે આવ્યા બાદ હવે પોલીસ ડીજે પાર્ટીના આયોજકો સામે પગલા લેશે કે નહીં તેને લઈને પણ અનેક સવાલો ઉઠી રહ્યા છે ?