'ક્યા હોગા નિમ્મો કા', 'એસે કરો ના વાદા', 'ધરતી કા વીર યૌદ્ઘા પૃથ્વીરાજ ચૌહાણ' તેમજ 'દીયા ઔર બાતી હમ' જેવા શોથી પોતાની શાનદાર એક્ટિંગથી પૉપ્યુલારિટી મેળવનાર અનસ રાશિદનો આજે બર્થ ડે છે.
અનસે પોતાના કરિયરની શરૂઆત વર્ષ 2006માં કહીં તો હોતા સીરિયલથી કરી હતી, જોકે તેણે પૉપ્યુલારિટી 'દીયા ઔર બાતી હમ' સીરિયલથી મળી. આજે આ એક્ટરનો બર્થ ડે છે, ત્યારે જાણીએ તેના વિશે કેટલીક અજાણી વાતો....
અનસનો જન્મ મલેરકોટલાના એક પજાંબી મુસ્લિમ પરિવારમાં થયો હતો. અનસે પોતાનું સ્કૂલિંગ એક ઉર્દૂ મીડિયમ સ્કૂલામાંથી કર્યુ હતુ અને આ પછી બેચરલ ઓફ આર્ટ્સ કર્યું હતું. ઉર્દૂ, અરબી અને ફારસી ભાષાને તે સારી રીતે બોલી શકે છે. અનસે એક્ટિંગ સિવાય સિંગર તરીકે તાલીમ લીધી છે. 2004માં તેણે મિસ્ટર પજાંબનું ટાઇટલ જીત્યો હતો.
અનસ રાશિદે સપ્ટેમ્બર 2017માં પોતાનાથી 14 વર્ષના નાની હિના ઇકલાબ સાથે લગ્ન કર્યા હતા. બંનેના લગ્ન પંજાબના લુધિયાનામાં થયા. જોકે લગ્ન દરમિયાન અનસ-હિનાના ઉંમર લઇને વિવાદ થયો હતો. જોકે એક્ટરે કહ્યુ હતુ કે, ''મેં હિનાને ઉંમર વિશે પૂછ્યુ હતુ, તો તેણે કહ્યુ હતુ કે, હું તારી સાથે લગ્ન કરવા માટે તૈયાર છું. હું 24 વર્ષની છું તો શું થયું. ઉંમરનુ જે અંતર છે તેનાથી કંઇ થતુ નથી. તેની બહેન અને તેનુ માનવુ છે કે, હું આજે 26 વર્ષની લાગુ છું.''
તાજેતરમાં અનસે ખુલાસો કર્યો હતો કે, તે હાલમાં કોઇ પણ શોમાં કાન નથી કરી રહ્યો, તેણે ટીવી ઇન્ડસ્ટ્રીમાંથી બ્રેક લીધો છે અને તે ઘરે રહીને ઓર્ગેનિક ખેતી કરી રહ્યો છે. ખેતી કરવાની સાથે તે પોતાના પરિવારને સંપૂર્ણ સમય આપી રહ્યો છે.