દિવાળી એક એવો તહેવાર છે જે ફક્ત ભારતમાં જ નહીં પણ વિશ્વના અનેક દેશોમાં ઉત્સાહ સાથે ઉજવાય છે. અનેક દેશોમાં તેને ઉજવવાની અલગ પ્રથા છે. ખાસ કરીને દરેક દેશની સંસ્કૃતિ અને આદાનપ્રદાનની રીત અ્લગ જોવા મળે છે. તો જાણો મોરેશિયસ, નેપાળ, જાપાન અને અન્ય કેટલીક જગ્યાઓએ કઈ રીતે ઉજવાય છે દિવાળીનો ખાસ તહેવાર.
દિવાળીના તહેવારની ઉજવણીની છે ખાસ રીતો
મોરેશિયસમાં આ દિવસે કરાય છે રાવણ દહન
દરેક દેશની અલગ સંસ્કૃતિ અનુસાર ઉજવાય છે દિવાળી
જાપાન
અહીં યોકોહામા શહેરમાં 2 દિવસની દિવાળીનું આયોદન કરાય છે. આ 2 દિવસોમાં અલગ અલગ પ્રકારના સાંસ્કૃતિક કાર્યક્રમો કરાય છે. લાખોની સંખ્યામાં લોકો નાચ ગાન કરે છે. લોકો અલગ અલગ મુખોટા પહેરે છે જેમાં તેઓ ખૂબ જ ફની લાગે છે. આ 2 દિવસના દિવાળીના તહેવારમાં અહીં ભારતીય વ્યંજન પીરસવામાં આવે છે.
મલેશિયા
અહીં દિવાળીને લીલી દિવાળી કહેવામાં આવે છે. અહીં રીતરિવાજ અલગ અલગ હોય છે. આ દેશના લોકો દિવાળીની શરૂઆત શરીર પર તેલ લગાવીને કરે છે. આ પછી મંદિરોમાં જઈને યશ, સમૃદ્ધિ અને સુખની પ્રાર્થના કરે છે. મલેશિયામાં તમિલ- હિંદુ રહે છે અને આ માટે અહીં પૂજા પાઠમાં સાઉથની છબિ જોવા મળે છે.
ત્રિનિદાદ અને ટોબેગો
કૈરેબિયન સાગરના દ્વીપ પર દિવાળીનો ઉત્સાહ અલગ જ હોય છે. અ્હીં આ કમ્યુનિટી ખાસ કરીને દિવાળી ઉજવે છે. આ દિવસે અહીં મંચ પર નાટકની મદદથી હિંદુ સંસ્કૃતિને વિશે જણાવવામાં આવે છે. પારંપરિક વેશભૂષામાં કલાકારો તહેવાર સાથેની વાતો કહે છે. ખાસ પ્રકારના સ્વાદિષ્ટ ભોજન બનાવવામાં આવે છે.
મોરેશિયસ
અહીં નાના નાના દ્વીપ પર દિવાળીનો ઉત્સવ ઉજવાય છે. દિવાળીના દિવસે લોકો અહીં ઘરની સફાઈ કરવામાં વિશ્વાસ રાખે છે. આ દિવસે અહીં ઓફિસમાં રજા રહે છે. અહીં માન્યતા છે કે આ દિવસે સફાઈ કરવાથી ઘરની નકારાત્મક ઉર્જા નાશ પામે છે. અહીં આ દિવસે રાવણ દહન કરાય છે. મોરેશિયસના ટ્રાયોલેટ ગામને સજાવવામાં આવે છે અને મોટા પ્રમાણમાં લોકો અહીં એકત્રિત થાય છે.
નેપાળ
અહીના લોકો દિવાળીને તિહાર કહે છે. ભારતની જેમ અહીં 5 દિવસ સુધી આ તહેવાર ઉજવાય છે. અહીં પહેલા દિવસે ગાયને ચોખા ખવડાવાય છે. બીજા દિવસે કૂતરાને અલગ પકવાન ખવડાવાય છે. ત્રીજા દિવસે લક્ષ્મીપૂજન, ચોથા દિવસે યમ પૂજન કરાય છે અને પાંચમા દિવસે ભાઈબીજ ઉજવાય છે.