દિવાળીના વેકેશન બાદ આજથી શાળાઓની શરૂઆત થઈ છે. 21 દિવસના વેકેશન બાદ વિદ્યાર્થીઓ આજે ફરી એક વખત સ્કૂલમાં પહોંચ્યા હતા. 24 ઓક્ટોબરથી 13 નવેમ્બર સુધીના વેકેશન બાદ આજે સ્કૂલમાં વિદ્યાર્થીઓની ચહલપહલ શરૂ થઈ છે.
આજથી શહેરની શાળાઓ અને કોલેજોમાં દિવાળી વેકેશન પૂર્ણ થઈ રહ્યું છે અને બીજા શૈક્ષણિક સત્રનો પ્રારંભ થઈ રહ્યો છે. આમ, શાળાઓ અને કોલેજો શરૂ થતાની સાથે જ સૂમસામ કેમ્પસો વિદ્યાર્થીઓના શોરબકોરથી ગુંજી ઉઠે છે.
અપૂરતી ફાયરસેફ્ટી ધરાવતી શાળા નિશાના પર
વિદ્યાર્થીઓની સેફ્ટીને ધ્યાને રાખી જિલ્લા શિક્ષણાધિકારીએ શાળાના વહેલી સવારના દરવાજા ખુલતાંની સાથે ચેકિંગ કરવાનો આદેશ એજ્યુકેશન ઇન્સ્પેક્ટરને કર્યો છે. 21 દિવસના દિવાળી વેકેશન પૂર્ણ થતાં જ શહેરની શાળાઓ અને કોલેજોમાં શૈક્ષણિક કાર્ય રાબેતા મુજબ શરૂ થઈ જશે. શાળાના દરવાજા ખૂલતા જ અનેરો ધમધમાટ જોવા મળશે.
બીજા સત્રમાં 142 દિવસનો અભ્યાસ
બીજા શૈક્ષણિક સત્રના પહેલા દિવસે કેટલાક વિદ્યાર્થીઓમાં કંટાળો તો કેટલાક વિદ્યાર્થીઓમાં ઉત્સાહ જોવા મળશે. સૂમસામ કેમ્પસ વિદ્યાર્થીઓના શોરબકોરથી ગુંજી ઊથશે. બીજા શૈક્ષણિક સત્રમાં વિદ્યાર્થીઓ 142 દિવસ અભ્યાસ કરશે.
ધો.10 તથા 12ના વિદ્યાર્થીઓ કરશે પરીક્ષાની તૈયારી
ધો.10 તથા 12ના સામાન્ય અને વિજ્ઞાન પ્રવાહના વિદ્યાર્થીઓ પરીક્ષાની તૈયારીઓ શરૂ કરશે. જિલ્લા શિક્ષણાધિકારીએ શાળાઓને પત્ર લખ્યો છે કે, શાળાઓનું વાર્ષિક ઇન્સ્પેક્શન કરાશે. એજ્યુકેશન ઇન્સ્પેક્ટરો કોઈ પણ સમયે શાળામાં આવી ચેકિંગ કરશે. જેથી શાળાઓએ વિદ્યાર્થીઓની સેફ્ટીથી માંડીને તમામ બાબતોનો ડેટા તૈયાર રાખવો પડશે.