કોરોનાકાળમાં મોંઘવારીના માર વચ્ચે હવે ધાર્મિક તહેવારોના શરૂઆત થઇ છે ત્યારે તહેવારોમાં હવે મોંઘવારીનો માર પડતા લોકો દ્વિધામાં મુકાયા છે. હવે દિવાળી નજીક છે ત્યારે સુકા મેવા ખાવા પણ ભારે પડે તેમ લાગી રહ્યું છે. હવે સુકા મેવાના ભાવ પણ આસમાને પહોંચી રહ્યા છે.
દિવાળીના તહેવારો પહેલા મોંઘવારીનો માર
સૂકા મેવાના ભાવ પણ આસમાને પહોંચ્યા
સામાન્ય પ્રજા માટે મોંઘવારી મોટું સંકટ
તહેવારોની ઉજવણી કરવા માટે સૌ તૈયારીઓ કરવામાં વ્યસ્ત થઇ જાય છે. જોકે આ તહેવારોની સીઝનમાં મોંઘવારીની મહામારીને કારણે દરેક તહેવાર ફિક્કા રહે તેમ લાગી રહ્યુ છે. હવે મીઠાઈ, મેવા ખાવા પણ મોંઘા પડે તેમ છે. કારણ કે સુકામેવાના ભાવ પણ હવે રોકેટ ગતિએ વધ્યાં છે, તો કેટલાક સુકા મેવાના ભાવ રૂ 1000ને પણ પાર થયા છે. ત્યારે અબકી માર મોંઘવારી માર.... બસ આજ સ્થિતિ હવે ખરીદી માર્કેટોમાં જોવા મળી રહી છે.
ડ્રાયફ્રુટના પ્રતિકીલોના ભાવ પર નજર કરીએ તો....
પિસ્તા પ્રતિકીલોના રૂ.1000 જે પહેલા 900 રૂ.હતા
અખરોટ પ્રતિકીલોના રૂ.1000 જે પહેલા 800 રૂ.હતા
કાજુના પ્રતિકીલોના 900 રૂ. પહેલા 500 રૂ.હતા
બદામ પ્રતિકીલોના 1000 રૂ પહેલા 800 હતા
દ્રાક્ષ પ્રતિકીલોના 300 રૂ ,પહેલા 250 હતા
અંજીર પ્રતિકીલોના રૂ. 960 રૂ જે પહેલા રૂ.700 હતા
અમદાવાદની કાલુપુર માર્કેટમાં લોકોની મોટી સંખ્યામાં ખરીદી માટે ભીડ જોવા મળતી હતી. ત્યાં હવે મોંઘવારીના કારણે લોકો ખરીદી કરવા પણ કોઈ આવતા નથી જે ધાર્મિક તહેવારોમાં સુકામેવાની ખુબ જરૂર પડતી હોય છે. તેવા તહેવારોમાં હવે સુકા મેવા ખાવા પણ જનતાના ખિસ્સાને સુકા કરી રહ્યા છે. પેટ્રોલ-ડીઝલ શાકભાજી કઠોળ ફ્રુટ્સ અને હવે ડ્રાયફ્રુટ્સ પણ મોંઘાદાટ થઇ ગયા છે મોંઘવારીનો માર ખરીદી કરનાર ગ્રાહક માટે નહિ પરંતુ વેપારીઓને પણ મોંઘવારી નડી રહી છે.
હવે મોંઘવારીના માર વચ્ચે પીસાતી જનતા જે જીવન જરૂરિયાતની ચીજ વસ્તુની ખરીદી કરવા તો આવે છે. પરંતુ બજેટમાં કેવી રીતે કોમ્પ્રોમાઈઝ કરે છે જે લોકો કેતેબલ છે તે બજેટ કોમ્પ્રોમાઈઝ કરે છે ત્યારે કેટલાક લોકોએ ખરીદી કાર્ય વિના પણ પરત ફરવું પડે છે. જો કે દર વર્ષે તહેવારોની સીઝન આવતા જ લોકો પહેલાથી ખુશીઓ માનવતા હોય છે, પરંતુ કોરોનાકાળની સાથે મોંઘવારીની મહામારીના મારમાં જનતા પીસાઈ રહી છે ત્યારે ક્યારે આ મોંઘવારી ઓછી થશે કે કેમ તે જોવાનું જ રહ્યું.