દેશભરમાં દિવાળીની તૈયારીઓ શરૂ થઈ છે ત્યારે મે મહિનાથી જ ચીન સાથેના સંબંધોમાં પણ તણાવ જોવા મળી રહ્યો છે. ઘરને સજાવવાની તૈયારીઓ શરૂ થઈ છે ત્યારે આનંદની વાત એ પણ છે કે હવે ચીની સામાન નહીં ભારતીય બજારના ઘરેલૂ આઈટમથી ઘર સજાવી શકાશે. આ આઇટમ દેશના 4 રાજ્યોમાં તૈયાર થઈ રહ્યો છે. અહીં તમે ચાઈનાના સામાનથી પણ સસ્તામાં આ સામાન મેળવી શકશો.
દિવાળીમાં ભારતીય વસ્તુઓથી સજાવી શકાશે ઘર
ચાઈનાથી સસ્તો સજાવટનો સામાન મળશે ભારતમાં
આ 4 રાજ્યોએ કરી લીધી છે તૈયારી
40 ટકા ચાઈનીઝ સામાનની ખોટ થશે પૂરી
દેશના વ્યાપારીઓના સંગઠન કોન્ફેડરેશન ઓફ ઓલ ઈન્ડિયા ટ્રેડર્સના રાષ્ટ્રિય મહામંત્રી પ્રવીણ ખંડેલવાલે કહ્યું કે અમે પહેલાં જ સમજી ગયા હતા કે આ વખતે દિવાળી સમયે ચાઈનીઝ સામાનને લઈને સ્થિતિ પહેલાં જેવી નહીં રહે. ભારતીય બજાર નામની સંસ્થાને ચીનને જવાબ આપવા માટે 2 મહિના પહેલાંથી જ તૈયારીઓ શરૂ કરી છે.
કયા રાજ્યોમાં થઈ આ તૈયારીઓ
ખાસ કરીને મહારાષ્ટ્ર, બિહાર, યુપી અને ઝારખંડમાં મહિલા સમૂહ દિવાળી માટે માલ બનાવતા હતા. આશા રાખવામાં આવે છે કે દિવાળી પર 40 ટકા માંગ આ 4 રાજ્યોમાંથી પૂરી કરવામાં આવશે. માલનું સપ્લાય પણ શરૂ થયું છે. વિદેશમાં વસતા ભારતીય પરિવારો દિવાળી પર ભારતમાંથી જ સજાવટનો માલ મંગાવી રહ્યા છે.
ચાઈનીઝ સામાનને ટક્કર આપી રહ્યા છે ભારતીય બજારના સામાન
પ્રવીણ ખંડેલવાલ કહે છે કે ભારતીય બજાર દ્વારા તૈયાર કરેલા માલમાં 150 રૂપિયાના કેશ બોક્સ છે. તેનો ઉપયોગ દિવાળી પર લક્ષ્મીજીની પૂજામાં થાય છે. ઘરને સુશોભિત કરવા માટે ત્યાં તોરણ વગેરેની અનેક રચનાઓ છે. જે ખાસ વસ્તુઓ છે તેમાં 3 ફૂટ પહોળા અને 4 ફૂટ લાંબું બંધનવાર માત્ર 800 રૂપિયાના છે. 36 ઇંચના તોરણની કિંમત 340 રૂપિયા છે. ડિઝાઇન અને ગુણવત્તા અનુસાર કિંમતો ઘણી ઓછી છે. ડિઝાઇનર ગિફ્ટ્સની વાત કરીએ તો તેમાં અનેક ચીજો છે. રોઝ ડિઝાઈનના 4 દીવાની કિંમત ફક્ત 60 રૂપિયા છે. આ સિવાય પાણીમાં તરતા દીવા પણ છે. તેને પપેટ સાથે આપવામાં આવે છે.