Diwali 2021 / દિવાળીએ અહીં ફટાકડા નથી ફૂટતા, પતંગ ચગાવવામાં આવે છે, જાણો કારણ

• દેશના આ શહેરમાં દિવાળી પર ચગાવવામાં આવે છે પતંગ 
• યોજવામાં આવે છે પતંગબાજીની સ્પર્ધાઓ 
• જાણો શું છે પરંપરા

દિવાળીનો પર્વ ફક્ત એક દિવસનો નથી હોતો. પરંતુ આ આખા પાંચ દિવસ સુધી ચાલે છે. ધનતેરસના દિવસથી શરૂ થતા આ ફેસ્ટિવલને ભાઈબીજ સુધી ઉજવવામાં આવે છે. ધનતેરસ અને કાળીચૌદસ બાદ આજે દિવાળીનો પર્વ ધૂમધામથી સેલિબ્રેટ કરવામાં આવી રહ્યો છે. આવતી કાલે નવું વર્ષ છે અને સાથે જ ગોવર્ધન પૂજા કરવામાં આવશે અને તેના બીજા દિવસે  ભાઈ બીજ સેલિબ્રેટ કરવામાં આવશે. 

પરંતુ ભારતમાં એક એવું શહેર છે જ્યાં ગોવર્ધન પૂજાના દિવસે પતંગ ઉડાવવામાં આવે છે. આ શહેરમાં મકરસંક્રાતિ પર નહીં પરંતુ દિવાળીના બીજા દિવસે પતંગ ચગાવવામાં આવે છે. 

કેમ ઉડાવવામાં આવે છે પતંગ? 
જણાવી દઈએ કે ઉત્તર પ્રદેશની રાજધાની લખનૌઉમાં દિવાળીના બીજા દિવસે એટલે કે ગોવર્ધન પૂજાના દિવસે પતંગ ઉડાવવામાં આવે છે. આમ તો દેશભરના અન્ય ભાગોમાં મકર સક્રાંતિના દિવસે પતંગ ઉડાવવામાં આવે છે. જોકે આ શહેરોમાં અક્ષય તૃતીયા, 15 ઓગસ્ટે પણ પતંગ ઉડાવવાનો રિવાજ છે. પરંતુ લખનૌઉ અને તેની આસ-પાસના ક્ષેત્રમાં જ દિવાળીના દિવસે પતંગ ઉડાવવામાં આવે છે. 

ધૂમધામથી કરવામાં આવે છે સેલિબ્રેટ 
જણાવી દઈએ કે દિવાળીના બીજા દિવસે લખનૌઉમાં જમઘટ નામનો તહેવાર ઉજવવામાં આવે છે. જમઘટના રૂપમાં આ દિવસને એન્જોય કરવામાં આવે છે અને પતંગબાજી કરવામાં આવે છે. એવું નથી કે અહીં લોકો સાધારણ પતંગ બાજી કરે છે પરંતુ ઘણા અલગ અલગ કોમ્પિટિશનનું પણ આ શહેરમાં આયોજન કરવામાં આવે છે. જ્યાં અલગ અલગ જગ્યાના લોકો પતંગ ઉડાવે છે અને પેચ લડાવવાને લઈને ખૂબ કોમ્પિટિશન થાય છે. 

કહેવામાં આવે છે કે પતંગબાજીને નવાબોનો શોખ કહેવામાં આવે છે. કહેવામાં આવે છે કે નવાબોના સમયમાં પતંગને દુલ્હનની જેમ સજાવવામાં આવે છે. જેમાં મોટાભાગે સોના અને ચાંદીના તારની સજાવટ કરવામાં આવે છે. આ પતંગ જેની છત પર કપાઈને પડતી હતી. તેમના ઘરે તે દિવસે પુલાવ બનતો હતો. લખનૌઉમાં પતંગનું ટૂર્નામેન્ટ પણ થાય છે જેમાં લોકો ઉત્સાહથી ભાગ લે છે. 

એવામાં લખનૌઉના રહેનાર લોકોનું કહેવું છે કે તે આ દિવસની આતુરતાથી રાહ જોતા હોય છે જે લોકો ઘરથી બહાર હોય છે તે પણ આ દિવસે જરૂરથી ઘરે આવે છે અને પતંગબાજીની મજા લે છે.