તહેવારોની સીઝન શરૂ થઈ ગઈ છે અને દિવાળી નજીક છે. ક્યારે વિવિધ કાર નિર્માતા કંપનીઓ ગ્રાહકોને આકર્ષવા શાનદાર ઓફર્સ આપી રહી છે. થોડા દિવસોમાં દિવાળી, ધન તેરસ જેવા તહેવારો આવવાના છે. એવામાં કંપનીઓ કાર વેચવા માટે નવી નવી સ્કીમ અને ઓફર્સ લાવી રહી છે. તો ચાલો તહેવારોની સિઝનમાં કઈ સ્કીમ અને ઓફર તમારા માટે બેસ્ટ છે એ જણાવી દઈએ.
મારુતિ સુઝુકી લઈને આવી બંપર ઓફર્સ
જાણીતી કાર કંપની મારુતિ સુઝુકી તહેવારની સીઝનને ધ્યાનમાં લઈ બંપર ઓફર્સ લાવી છે. જેમાં દરેક મોડલ પર છૂટ આપવામાં આવી રહી છે. સ્વિફ્ટ ડિઝાયર કોમ્પેક્ટ સેડાન પર 40 હજાર રૂપિયા સુધીની છૂટ મળી શકે છે. ડિઝાયર દેશમાં સૌથી વધારે સમય સુધી વેચાયેલી સેડાન કારમાંથીએક છે. તમને જણાવી દઈએ કે ગયા મહિને આ કાર મોડલની 17,675 યૂનિટ્સ વેચાઈ. જ્યારે મારુતિ સુઝુકી સ્વિફ્ટ પર 30 હજારની છૂટ મળી રહી છે.
હોન્ડાની કારો પર મળી રહી છે છૂટ
હોન્ડાની અમેઝ એક્સક્લૂસિવ એડિશન છે. અમેઝ પેટ્રોલ અને ડીઝલ એન્જિનની સાથે મેન્યુઅલ અને સીવીટી ટ્રાન્સમિશનમાં પણ આવે છે. પેટ્રોલ વેરિયંટના મેન્યુઅલ ટ્રાન્સમિશનની કિંમત 7,96,000 રૂપિયા અને સીવીટી ટ્રાન્સમિશનની કિંમત 8,79,000 રૂપિયા છે. આ પ્રકારે ડીઝલ વેરિયંટના મેન્યુઅલ ટ્રાન્સમિશનની કિંમત 9,26,000 રૂપિયા અને સીવીટી ટ્રાન્સમિશનની કિંમત 9,99,000 રૂપિયા છે. હોન્ડા WR-Vના પેટ્રોલ એન્જિનવાળા એક્સક્લૂસિવ એડિશનની કિંમત 9,69,900 રૂપિયા અને ડીઝલ એન્જિનવાળા એક્સક્લૂસિવ એડિશનની કિંમત 10,99,900 રૂપિયા છે. આ બંને કાર ખરીદવા પર કંપની તરફથી વિશેષ છૂટ આપવામાં આવશે.
ટાટાની આ કારો પણ મળી રહી છે છૂટ
ટાટાની ટિયાગો કાર ખરીદવાનું વિચારી રહ્યાં હોવ તો તમને 25 હજાર રૂપિયા સુધીનો ફાયદો મળી શકે છે. આ ઓફરમાં કન્ઝ્યૂમર સ્કીમ અંતર્ગત 15 હજાર રૂપિયા સુધીનો ફાયદો મળી શકે છે. ઉપરાંત એક્સચેન્જ ઓફરનો લાવ ઉઠાવી શકો છો. ટાટાની ટોગર કાર પર કન્ઝ્યૂમર સ્કીમ હેઠળ 15 હજાર રૂપિયા અને 15 રૂપિયા સુધીનું એક્સચેન્જ બોનસ મળી શકે છે. ટાટાની ટિગોર કાર ખરીદવા પર તમને 30 હજાર રૂપિયા સુધીનો લાભ મળી શકે છે.