મહા મંદી / મહામારીમાં મોડલિંગના રંગ પણ ફિક્કા! મોડેલ અને સ્ટુડિયો સંચાલકોની હાલત કફોડી

• સાડી-ડ્રેસ માટેના મોડેલિંગ રહ્યા બંધ 
• ટેક્સટાઈલ માર્કેટની મંદી મોડેલોને પણ મળી
• મહામારીમાં રોજગારી છનવાઈ, ધંધા ભડીભાંગ્યા

કોરોના ની વચ્ચે દિવાળી ની ઉજવણી ફીકી પડી રહી છે ત્યારે મોડેલિંગ કરી ને રોજ ની કમાણી કરનારાઓ માટે આ દિવાળી એ દિવાળી જેવું કશું જ નથી, સુરત સાડી ડ્રેસ માટીરીયલ્સ ના વેપારમાં આજકાલ મોડેલ ના ફોટો સાથે પેકિંગ એ ફરજીયાત બની રહ્યું છે પણ કોરોના ના કારણે કામકાજ બંધ હોવાથી આ મોડેલો અને ફોટો સ્ટુડિયો ચલાવતા અનેક લોકો ની દિવાળી બગડી છે.

મોડેલો અને તેનું ફોટો શૂટ કરતા સ્ટુડિયો સંચાલકો ની હાલત કફોડી

સુરતના ટેક્સટાઇલ માર્કેટ માં દરેક સાડી કે ડ્રેસ માટીરીયલ્સ ના પેકિંગ ની સાથે તેના કલર ડિઝાઇન અને પેટર્ન સાથે એક મોડેલ નો ફોટો મુકવામાં આવે છે તેને કારણે સાડી કે ડ્રેસ મટિરિયલ્સની ખરીદી કરનાર ને ડ્રેસ કે સાડી પહેર્યા પછી કેવો લુક આવે છે તેનો એક અણસાર મળી રહે છે પરંતુ કોરોના કાલ માં આ મોડેલો અને તેનું ફોટો શૂટ કરતા સ્ટુડિયો સંચાલકો ની હાલત કફોડી થઈ ગઈ છે, સતત છ મહિના સુધી ફોટોશૂટ અને મોડેલિંગ નું કામકાજ બંધ રહ્યું અને ત્યારે બાદ માર્કેટ શરૂ થઈ પણ ઘરાકી નો અભાવ હોવાથી નવકામ કાજ ખૂબ જ જૂજ પ્રમાણમાં શરૂ થયા છે, જો કે છેલ્લા બે પાંચ દિવસ થી ફોટોશૂટ શરૂ થયા છે પણ તે ખૂબ અપૂરતા પ્રમાણ માં કહી શકાય તેવા છે,
 

સુરતમાં મોડેલિંગ ક્ષેત્રે સ્થાનિક વેપારીઓ ની ડિમાન્ડ ને પગલે લોકલ મોડેલ નું ક્ષેત્ર ખૂબ મોટું બની રહ્યું છે, જેમાં ખાસ કરી ને મીડીયમ રેન્જ ની સાડી ડ્રેસ મતીરયલ્સ માટે ખૂબ મોટા પ્રમાણમાં ફોટો શૂટ થાય છે, જેમાં મોડેલ ને શૂટ દીઠ મહેનતાણું ચૂકવાય છે, જો કે કોરોના કાલ અને ત્યારપછી પણ માર્કેટમાં સુસ્તી હોવાને કારણે આવી મોડેલોની આર્થિક હાલત કફોડી બની રહી છે, શોખ અને જરૂરિયાત માટે મોડેલિંગ કરતી યુવતીઓ ને હવે થોડુંઘણું કામ મળી રહ્યું છે પરંતુ તે પૂરતા પ્રમાણમાં નથી તેની સાથે સાથે હાલ માં થતા ફોટોશૂટ નું પેમેન્ટ પણ તાત્કાલિક ચૂકવાતું ન હોવાથી મોડેલ યુવતીઓની દિવાળી ફિક્કી બની રહી છે.