દિવાળીમાં આગજની અને અકસ્માતનોની ઘટનાને પહોંચી વળવા ફાયર વિભાગ સજ્જ થઈ ગયું છે.
દિવાળીના તહેવારને લઇ ફાયર વિભાગ સજ્જ
ફાયર બ્રિગેડના જવાનો તહેવારમાં રહશે તૈનાત
અમદાવાદ શહેરમાં 16 ફાયર સ્ટેશનો કાર્યરત
દિવાળીમાં બનતી દૂર્ઘટનાઓને પહોંચી વળવા અમદાવાદ ફાયર ડિપાર્ટમેન્ટ સજ્જ થઈ ગયું છે. ડેપ્યુટી ચીફ ફાયર ઓફિસર રાજેશ ભટ્ટે જણાવ્યું હતુ કે, દિવાળીને લઇ ફાયર વિભાગ સજ્જ થઈ ગયું છે. ફાયર બ્રિગેડના જવાનો આ માટે તૈયાર રહેશે. અમદાવાદમાં 16 ફાયર સ્ટેશનો કાર્યરત છે. દરેક સ્ટેશને 24 કલાક 2-2 વાહનો સ્ટેન્ડ બાય રાખવામાં આવશે. દિવાળીને ધ્યાને લઇ કર્મચારીઓની રજા રદ કરવામાં આવી છે. 550 જેટલા કર્મચારીઓ રહેશે ફરજ પર હાજર રહેશે.
આટલુ રાખો ધ્યાન
દિવાળીમાં ફટાકડા ફોડતા બાળકોની વિશેષ સંભાળ રાખજો નહીં તો ભયાનક હાલત થશે,
સમગ્ર મામલે ડેપ્યુટી ચીફ ફાયર ઓફિસર રાજેશ ભટ્ટનું નિવેદન,
ફટાકડા ફોડતી વખતે સેનેટાઈઝર જોખમી પૂરવાર થઈ શકે છે,
સેનેટાઈઝર કોરોનાથી બચાવે પણ દિવા કે ફટાકડાથી દઝાડે નહીં તે ધ્યાન રાખજો,
ફટાકડા ફોડતી વખતે રાખવી જોઈએ સાવચેતી,
ફટાકડા વડીલોની હાજરીમાં જ ફોડવા જોઈએ,
હંમેશાં ખુલ્લા મેદાનમાં ફટાકડા ફોડવા, ઘરમાં નહીં, ગેલેરીમાં પણ નહીં.
કોઠી સળગાવતી વખતે તેના પર નમીને સળગાવવી નહીં.
રોકેટ, હવાઈ જેવા ઊંચે ઊડતા ફટાકડા ખુલ્લા મેદાનમાં ઊભા રાખીને સળગાવવા. તેમને આડા, ત્રાંસા કે હાથમાં રાખીને સળગાવવા નહીં,
એક સાથે ઢગલાબંધ ફટાકડા ન ફોડતાં એક પછી એક ફોડવા,
બોમ્બ કે મોટાં ટેટાં જેવાં જોરથી ધડાકા કરતા ફટાકડાને બીમાર, વૃદ્ધ અને બાળકોથી દૂર રાખી ફોડવા,
ફટાકડા ફોડતી વખતે ખૂલતાં પોલિએસ્ટરના કપડાં ન પહેરવા. ચુસ્ત, જાડા ને સુતરાઉ કાપડનાં કપડાં જ પહેરવાં,
જ્યાં ફટાકડાં ફોડતા હો, ત્યાં પાણીની એક બે બાલદી ભરી રાખવી,
બધા ફટાકડાનો એક જ જગ્યાએ ઢગલો ન કરતાં તેમને દૂર તેમજ સુરક્ષિત જગ્યાએ રાખો,
બોમ્બ જેવા ફટાકડા પર ડબ્બા કે માટલા જેવી વસ્તુઓ મૂકીને ન ફોડવા તેનાથી ઈજા થવાનો ભય વધુ રહે છે,
ફૂલઝર, વાયર, પેન્સિલ જેવા હાથમાં પકડીને ફોડવાના ફટાકડા શરીર અને કપડાંથી દૂર રાખવા.