દિવાળીમાં લોકો બેફામ કોરોનાની ગાઈડલાઈનનો ભંગ કરી રહ્યા છે એટલું જ નહીં. સરેઆમ ફરતા જોવા મળી રહ્યા છે. આ ભીડ દિવાળી બાદ ગુજરાતમાં કોરોનાની નવી લહેર લાવવામાં નિમિત્ત બની શકે છે.
અમદાવાદમાં કોરોના કાળમાં જનતા બેદરકાર
ફૂલ માર્કેટમાં સામાજિક અંતરનો અભાવ
સવારમાં ભીડવાળી જગ્યાએ પોલીસ બંદોબસ્તનો અભાવ
દિવાળીનો સૌથી મોટા તહેવારની શરૂઆત થઇ છે . તો બીજી તરફ કોરોનાનો કહેર પણ વર્તાઈ રહ્યો છે ત્યારે અમદાવાદ સહિત સમગ્ર રાજ્યભરમાં દિવાળીની તૈયારીઓ માં મગ્ન બન્યા છે અને જાણે કોરોના જતો રહ્યો હોય તેમ બિન્દાસ લોકો માર્કેટ માં ખરીદી કરવા ઉમટી પડ્યા છે ધનતેરસ નિમિતે પૂજા, ડેકોરેશન સહિતમાં ફૂલોની ડિમાન્ડ વધતા ફુલ માર્કેટમાં માનવ મહેરામણ ઉમટી પડ્યું છે.
લોકો ભાન ભૂલીને બજારોમાં ખરીદી કરતા નજરે પડી રહ્યા છે, તો બીજી તરફ છેલ્લા કેટલાય સમયથી જે મંદીનો માહોલ હતો તે પણ હવે દૂર થઈ રહ્યો હોય તેવું લાગી રહ્યું છે. જો કે ફુલ માર્કેટ મા માસ્ક વગર ફરતી જનતા ની બેદરકારી એ દુઃખ ની બાબત કહી શકાય હજી પણ કોરોના કાળ માં જનતા ની પણ બેદરકારી સામે આવી રહી છે અને બેદરકાર જનતા દિવાળીના ટાણે કોરોનાન આમંત્રણ આપી રહી છે