દિવાળી નજીક આવી રહી છે ત્યારે બુટલેગરો બેફામ થઇને મોટા પ્રમાણમાં દારૂનો જથ્થો અન્ય રાજ્યમાંથી લાવીને અમદાવાદમાં ઠાલવી રહ્યા છે. ગઇ કાલે નારોલમાં બે અલગ અલગ જગ્યાએથી દારૂના મોટો જથ્થો પોલીસે ઝડપી પાડતાં દારૂબંધીની પોલ ખુલ્લી પડી ગઇ છે.
પીસીબીને ગોડાઉનમાંથી ૩૦ લાખની કિંમતની પ૦૬ પેટી વિદેશી દારૂનો જથ્થો મળી આવ્યો
બુટલેગરની ૧૬૪૪ દારૂની બોટલ સાથે ધરપકડ કરી
દાણીલીમડા પીઆઇ અને પીએસઆઇ સામે તપાસ
પીસીબીની ટીમે મોડી રાતે નારોલના એક ગોડાઉનમાંથી પ૦૬ પેટી દારૂ ઝડપી પાડ્યો છે, જ્યારે નારોલ પોલીસે એક ગોડાઉનમાંથી ૧૬૪૪ દારૂની બોટલ ઝડપી પાડી છે. પીસીબીને બાતમી મળી હતી કે નારોલ હાઇવે પર આવેલી કોઝી હોટલની પાછળ અલકુબા એસ્ટેટના એક ગોડાઉનમાં દારૂનો જથ્થો પડ્યો છે.
બાતમીના આધારે ગોડાઉનમાં દરોડા પાડ્યા તો દારૂનો જથ્થો જોઇ પીસીબીના હોશ ઊડી ગયા હતા. પીસીબીને ગોડાઉનમાંથી ૩૦ લાખની કિંમતની પ૦૬ પેટી વિદેશી દારૂનો જથ્થો મળી આવ્યો હતો. પીસીબીએ દારૂનો જથ્થો લાવનાર ઇસ્તીયાક સૈયદ, વિવેક સંઘાણી અને મુસ્તાક શેખની ધરપકડ કરી છે. ઇસ્તીયાક સૈયદના ભાઇ ઇિલયાસના ઇશારે રાજસ્થાનથી દારૂ લાવ્યો હોવાનું પ્રાથિમક તપાસમાં ખૂલ્યું છે.
બુટલેગરની ૧૬૪૪ દારૂની બોટલ સાથે ધરપકડ કરી
પીસીબીએ ત્રણેય બુટલેગરની ધરપકડ કરીને દાણીલીમડા પોલીસ સ્ટેશનમાં ફરિયાદ કરી છે. સૂત્રોના જણાવ્યા અનુસાર ત્રણેય બુટલેગર અલગ અલગ નાના નાના બુટલેગરને દારૂ પહોંચાડવાના હતા. હાલ પોલીસે કયા બુટલગેરોને દારૂ પહોંચાડવાના હતા તે મામલે તપાસ શરૂ કરી છે. દાણીલીમડા પોલીસ સ્ટેશનમાં આવતા આ ગોડાઉનમાં રેડ પડતાંની સાથે જ નારોલ પોલીસ પણ સક્રિય થઇ હતી અને તેમણે નારોલના રંગોલીનગર ખાતે આવેલી એક પસ્તીના ગોડાઉનમાં છુપાવેલ દારૂના જથ્થાને ઝડપી પાડ્યો હતો. નારોલ પોલીસે અમૃત ખટીક નામના બુટલેગરની ૧૬૪૪ દારૂની બોટલ સાથે ધરપકડ કરી છે.
દાણીલીમડા પીઆઇ અને પીએસઆઇ સામે તપાસ
દારૂબંધીના કડક કાયદાના અમલીકરણ બાદ જો પીસીબી, ક્રાઇમ બ્રાંચ, વિિજલન્સ સહિતની ટીમ મોટા પ્રમાણમાં દારૂનો જથ્થો પકડે તો જે તે વિસ્તારની હદમાં આવતા પોલીસ સ્ટેશનના પીઆઇ અને પીએસઆઇ ઉપર પણ કાર્યવાહી કરવાનો નિર્ણય લેવાયો હતો. ગઇ કાલે પીસીબીએ પ૦૬ દારૂની પેટીઓ પકડી પાડતાં દાણીલીમડા પોલીસ સ્ટેશનના પીઆઇ તેમજ પીએસઆઇ