દિવાળીના તહેવારમાં હવે ડોકટરો ઓન કોલ સેવા પુરી પાડશે. મેડિકલ એસોસિએશનના ડોકટરો આગામી 14 થી 19 નવેમ્બર દરમ્યાન અભિયાનમાં જોડાશે. જેથી તહેવારના સમયે દર્દીઓને મુશ્કેલી ન પડે. દિવાળીના તહેવારમાં રજાનો માહોલ હોય છે અને આ દિવસોમાં ડોક્ટરો પણ રજા પર હોય છે.
દિવાળીમાં ડોકટરો ઓન કોલની સેવા
મેડિકલ એસો.નું 10 વર્ષ થીસેવા અભિયાન
15 ડોક્ટર કોર્ડીનેટર સેવા પુરી પાડશે
વિસ્તાર મુજબ મેડિકલ એસોસિયેશને 15 જેટલા કોર્ડીનેટરની નિમણુંક કરી
આ પરિસ્થિતિમાં ડોક્ટરની અછતને પહોંચી વળવા માટે અમદાવાદ મેડિકલ એસોસિએશને ડોક્ટરો ઓન કોલની સુવિધા ઉપલબ્ધ કરાવશે. જેમાં સવારે 7 થી રાતે 10 સુધી આ તબીબો ઉપલબ્ધ હશે. અલગ અલગ વિસ્તાર મુજબ મેડિકલ એસોસિયેશને 15 જેટલા કોર્ડીનેટરની નિમણુંક કરી છે, જેમને ફોન કરવાથી તેમના વિસ્તારમાં હાજર ડોક્ટર અંગે જાણકારી મેળવી શકશે અને સારવાર કરાવી શકશે.
દિવાળી માં પણ ઓન કોલ રહી દર્દીઓને સેવા પુરી પાડશે
આ ડોક્ટરની યાદી અમદાવાદ મેડિકલ એસોસિએશન ની વેબસાઈટ પર પણ મુકવા આવી છે. છેલ્લા દસ વર્ષથી મેડીકલ એસોસિએશન અને ફેમીલી ફીઝીશીયન એસોસિએશન તરફથી આ સેવા આપવામાં આવે છે. જેમાં દર વર્ષે અંદાજે 700 થી 1 હજાર લોકો આ સેવાનો લાભ લેતા હોય છે. હાલ કોવિડના સમયમાં દર્દીઓને વિનામૂલ્યે માર્ગદર્શન પૂરું પાડશે. હવે દિવાળી માં પણ ઓન કોલ રહી દર્દીઓ ને સેવા પુરી પાડશે.