છેતરપિંડી / દિવાળીમાં મોટા ઉપાડે મિઠાઈઓ ખરીદતાં વિચારજો, તંત્રના દરોડામાં દુકાનોમાંથી આટલી ખરાબ ચોંકાવનારી વસ્તુઓ મળી

• રાજ્યભરમાંથી અખાદ્ય મીઠાઇઓ બનાવતા 45 એકમો કર્યા સીલ 
• મહેસાણા જિલ્લામાં 21 એકમો સીલ કરવામાં આવ્યા
• ટેલ્કમ પાઉડર નાખીને માવો તૈયાર કરાતો હતો

દિવાળી તહેવાર પહેલા ફૂડ એન્ડ ડ્રગ્સ વિભાગની મીઠાઈની દુકાનો ઉપર તવાઈએ તબાહી મચાવી છે. રાજ્યભરમાં મીઠાઈમોમાં દિવાળીમાં સૌથી વધુ મિલાવટ કરવામાં આવે છે એટલુ જ નહી પરંતુ આ પરબલામાં ભેળસેળ વાળી મીઠાઈઓને કારણે માંદગીમાં પણ વધારો જોવા મળે છે. 

શું કહે છે ફૂડ ડ્રગ્સ વિભાગના કમિશનર

એચ.જી કોશિયા (ફૂડ ડ્રગ્સ વિભાગના કમિશનર)ના જણાવ્યાનુસાર આખા ગુજરાતમાં કારખાનામાં તપાસ કરી અને ઉત્પાદન બંધ કરાવ્યા છે. લોકો સાથે છેતરપીંડિ કરતા હતા. શુધ્ધ દુધનો માવો મોંઘો બને. દૂધ સિવાય કશુ ન હોય પણ વ્હીલ પાવડર, વનસ્પતિ ઘી, ખાંડ નાખીને માવો બનાવે છે અને સાવ સસ્તા ભાવમાં વેચે છે. નાના વેપારી આ માવો ખરીદે અને તેમાં રંગ નાંખી ફ્લેવર નાંખી મીઠાઈ બનાવીને વેચે છે અમે આ તમામ મીઠાઈના કારખાનામાં ઉત્પાદન બંધ કરાવ્યા છે.  

અખાદ્ય મીઠાઇઓ બનાવતા 45 એકમો કર્યા સીલ 
મહેસાણા જિલ્લામાં 21 એકમો સીલ કરવામાં આવ્યા છે, જ્યારે અમદાવાદમાં 8 મીઠાઇઓ બનાવતા એકમો, ગાંધીનગર જિલ્લામાં 6 એકમો સીલ, રાજકોટમાં 3એકમો સીલ ,જૂનાગઢમાં 2 એકમો સીલ, ભાવનગરમાં 1 એકમો સીલ કરવામાં આવ્યા છે. વડોદરામાં 1, સુરતમાં 1 એકમ સીલ કરાયા છે. આ તમામ એકોમોમાં અખાદ્ય વસ્તુઓનો વપરાશ સામે આવ્યો છે. 

માવાની મીઠાઈ ખાતા પહેલા ચેતજો
અખાદ્ય વસ્તુમાંથી માવો બનાવવામાં આવતો હતો. ટેલ્કમ પાઉડર નાખીને માવો તૈયાર કરાતો હોવાનું તપાસમાં બહાર આવ્યુ છે. 100 કે 120 રૂ. કિલોના ભાવે વેચાણ થતું હતું. તંત્રએ ભાંડો ફોડી નાંખતા દિવાળી પહેલા મીઠાઈ બનાવતા એકમોમાં ફફડાટ વ્યાપી ગયો છે. અખાદ્ય વસ્તુમાંથી માવો બનાવવામાં આવતો હોવાથી આરોગ્ય વિભાગ દ્વારા કાર્યવાહી કરવામાં આવી છે.

ફૂડ એન્ડ સેફ્ટી એક્ટ
ફૂડ સેફ્ટી એન્ડ સ્ટાન્ડર્ડ એક્ટ 2006થી રાજ્યભરમાં લાગુ કરવામાં આવ્યો છે. રાજ્યના ફૂડ સેફ્ટી ઓફિસર્સ દ્વારા ખાદ્ય સામગ્રીના સેમ્પલ લેવામાં આવે છે અને આ સેમ્પલને તપાસ માટે FSSI દ્વારા માન્યતા મળેલી પ્રયોગશાળામાં મોકલવામાં આવે છે જો આ સેમ્પલમાં ભેળસેળ જણાવવામાં આવે તો FSSI એક્ટ મુજબ કાર્યવાહી કરવામાં આવે છે.