બીટકોઇન કૌભાંડ મામલો દિવ્યેશ દરજી પાસે વધુ બીટકોઇન હોવાનું સામે આવ્યું

બીટકોઈન તોડકાંડ મામલે નવા ખુલાસાઓ થઈ રહ્યા છે. ત્યારે હવે બીટકોઈન તોડકાંડ મામલે આરોપી દિવ્યેશ દરજી પાસે વધુ બીટકોઇન હોવાનું સામે આવ્યું છે. દિવ્યેશ દરજી પાસે 12 લાખ કરતા વધુ બીટકોઈન હોવાનુ સામે આવ્યુ છે.

CID ક્રાઇમએ 3 હજાર પાનાની ચાર્જશીટ ફાઇલ કરી છે. દિવ્યેશ દરજી પાસે 12 લાખ કરતા વધુ બીટકોઈન હોય તેવો ચાર્જશીટમાં ઉલ્લેખ કરાયો છે.

મહત્વનુ છે કે દિવ્યેશ દરજીના 8 વોલેટમાં 8 લાખ બીટકોઈન હતા. વ્યાજ સાથે 8 લાખ બીટકોઈન 12 લાખ કરતા વધુ થયા. દિવ્યેશ દરજીએ વર્ષ 2013-14માં 10 હાજર ઇન્કમટેક્સ ભર્યો હતો.

જ્યારે 2016-17ના વર્ષમાં 1લાખ 35 હજાર ઈન્કમટેક્સ ભર્યો હતો. એક જ વર્ષમાં આટલો વધુ ઈન્કમટેક્સ ભરાતા પણ અનેક સવાલ ઉઠ્યા છે.

જો કે બીટકોઇન કૌભાંડ મામલે કડક કાર્યવાહી કરવામાં આવતા સુરત ખાતે દિવ્યેશ દરજી અને સતિષ કુંભાણીની મિલકત ટાંચમાં લીધી છે. અત્યાર સુધીમાં રૂપિયા 45 કરોડની મિલકત ટાંચમાં લેવામાં આવી છે.