સાઈબર સિટી ગુરુગ્રામમાં રહેતા બાળકો પણ જાણે પ્રદુષણથી પરેશાન છે. આ પરેશાનીની અભિવ્યક્તિ માટે સાત વર્ષની એક બાળકીએ કેનવાસનો સહારો લીધો અને એવા ચિત્રો દોર્યા કે લોકોના દિલમાં ઉતરી ગઈ એ બાળકીનું નામ છે દિવ્યાંશી.
7 વર્ષની બાળકીની કમાલ
કલ્પનાને આકારી પીંછીના લસરકે
ગૂગલના ડૂડલ પર મળ્યું સ્થાન
દિવ્યાંશીની માતાએ પેઈન્ટિંગને ગૂગલ દ્વારા આયોજિત 'ધ વોકિંગ ટ્રી' માં મોકલ્યા જ્યાં આ પેઈન્ટિંગ સવાલાખ સ્પર્ધકોને ટ[ર આપને અવ્વલ નંબર પર આવ્યા. તો જોઈએ કેવી છે દિવ્યાંશી અને પિંછીના લસરકાથી તેણે કેનવાસ પર પ્રદુષણની સમસ્યાને કેવી રીતે આપી છે અભિવ્યક્તિ જોઈએ આ અહેવાલમાં..
7 વર્ષની બાળકીએ કરી કમાલ
વૃક્ષોને લગાડેલા પૈડાં, ઝાડવાઓને પહેરાવેલા બૂટ અને આ તરુવરને લગાવેલી પાંખ આ કલ્પના કોઈ મહાન ચિત્રકારની નથી પરંતુ આ કલ્પના એક સાત વર્ષની બાળકીની છે જેનું નામ છે દિવ્યાંશી.
Doodle for Google 2019- India winner Divyanshi Singhal says,"When I went to my grandmother's home during summer vacation, I saw that the trees were being cut down. I felt bad and thought that if trees could walk, they could escape being cut". https://t.co/itJF5cUVio
દિલ્હી પબ્લીક સ્કૂલમાં અભ્યાસ કરતી અને ગુરુગ્રામની નિવાસી આ સાત વર્ષની દિવ્યાંશીનું જો ચાલે તો તો તે વૃક્ષોને કપાતા અટકાવવા માટે વૃક્ષોને બૂટ પહેરીને દોડીને ભાગી જવાનું કહે. તેનું જો ચાલે તો તે વૃક્ષોને પાંખો આપીને કપાતા પહેલા જ આકાશમાં ઊડાડી દે. તેનું જો ચાલે તો બે પૈડા પર વક્ષને બાઈકની ગતિએ દોડાવીને દુર લઈ જાય..
વૃક્ષો કપાતા જોઇને રડી પડી દિવ્યાંશી
આમ તો આ બધા ચિત્રો કંઈ એમ તાબડતોબ દોરાયા નથી. દિવ્યાંશી રજાઓમાં પોતાની નાની ના ઘેર લખનઉ ગઈ હતી. જ્યાં તેમના ઘરે વૃક્ષો કાપી નાખવામાં આવ્યા હતા. તે જોઈને દિવ્યાંશી ઘણુ રડી હતી. તેની માતાએ તેને વૃક્ષો કપાવાથી થયેલી લાગણીને કેનવાસ પર ચિત્ર સ્વરૂપે રજૂ કરવાનું કહ્યું હતું. દિવ્યાંશીએ પોતાની લાગણને આ રીતે કેનવાસ પર અભિવ્યક્તિ કરી હતી. દિવ્યાંશીએ વૃક્ષોના ચિત્રોમાં જાણે સજીવારોપણ કરીને તેને બૂટ પહેરાવ્યા અને પાંખો પણ આપી.
ગૂગલની ધ વોકિંગ ટ્રી સ્પર્ધામાં દિવ્યાંશીના ચિત્રની પસંદગી
દિવ્યાંશીને આમ તો ચિત્રો દોરાવનો બાળપણથી જ શોખ છે. પરંતુ તેની આ કળાને ગૂગલ દ્વારા યોજાયેલી એક સ્પર્ધાના કારણે જાણે નવું આકાશ મળ્યું. તેના આ ચિત્રો જોઈને દિવ્યાંશીના માતા-પિતા ઘણા ખુશ થયા હતા. તેમણે આ ચિત્રો ગૂગલ દ્વારા યોજાયેલી 'ધ વોકિંગ ટ્રી' નામની સ્પર્ધામાં એવું વિચારીને મોકલ્યા હતા કે, દિવ્યાંશીને પ્રોત્સાહન મળે.
પરંતુ આશા કરતાં પણ જાણે બમણું મળ્યું. દિવ્યાંશીએ દોરેલા આ ચિત્રોએ ગૂગલ આયોજિત સ્પર્ધામાં 1 લાખ એક હજાર સ્પર્ધકોને પાછળ રાખીને પ્રથમ નંબર મેળવી લીધો . ગૂગલે ગુરુવારે બાળ દિનના દિવસે દિવ્યાંશીએ બનાવેલા ચિત્રોને ડૂડલમાં સ્થાન આપ્યું.. આ જોઈને દિવ્યાશી અને તેના માતાપિતાને અત્યંત આનંદ થયો.