VIDEO / અડગ મનના માનવીને હિમાલય પણ નડતો નથી, કશ્મીરનો દિવ્યાંગ વિદ્યાર્થી એક પગે દરરોજ 2 કિલોમીટર ચાલીને જાય છે સ્કૂલે

• જમ્મુ કાશ્મીરમાં એક 14 વર્ષનું બાળક એક પગે ચાલી શાળાએ જાય છે
• દરરોજ સ્કૂલે જવા 2 કિમી એક પગે ચાલીને જાય છે
• ડોક્ટર બનવાનું સપનું પુરુ કરવા હાર નથી માનતો

જમ્મુ કાશ્મીરમાં એક 14 વર્ષના દિવ્યાંગ વિદ્યાર્થઈ પરવેઝ અહમદ મુશ્કેલ પરિસ્થિતિઓમાંથી ભણતર છોડ્યું નથી. પોતાના સપનાના સાકાર કરવા માટે આ દિવ્યાંગ છોકરો એક પગને ચાલીને સ્કૂલે જાય છે. તેને એક પગ પર સંતુલન રાખીને 2 કિમીનું અંતર પાર કરવું પડે છે. તેમ છતાં પણ તેણે જીંદગીની હાર નથી માની.

#WATCH| Specially-abled boy walks to school on one leg to pursue his dreams in J&K's Handwara. He has to cover a distance of 2km while balancing on a one leg

Roads are not good. If I get an artificial limb,I can walk. I have a dream to achieve something in my life, Parvaiz said pic.twitter.com/yan7KC0Yd3

— ANI (@ANI) June 3, 2022

કશ્મીર ઘાટીમાં ચાર ડગલા ચાલો ત્યાં શ્વાસ ચડી જાય છે, પણ આ દિવ્યાંગ વિદ્યાર્થી એક પગ પર 2 કિમી દૂર શાળાએ જાય છે. કશ્મીર ઘાટીના હંદવાડાના રહેવાસી પરવેઝ અહમદ જ્યારે ફક્ત 6 મહિનાનો હતો, ત્યારે આગની ઘટનામાં એક પગ ખોઈ દીધો હતો. હવે તેમની ઉંમર 14 વર્ષ છે. તે 9માં ધોરણમાં અભ્યાસ કરે છે. ડોક્ટર બનવા માગે છે. એટલા માટે તમામ મુશ્કેલી પરિસ્થિતિઓમાં પણ તે એક પગ પર લગભગ 2 કિમી દૂર ચાલીને શાળાએ જાય છે. 

જર્જરિત પહાડ પર ચડીને દરરોજ શાળાએ જાય છે

પરવેઝના પિતા મજૂર છે. પરવેઝ જણાવે છે કે, તે રોજ સ્કૂલે પહોંચવા માટે લગભગ 2 કિમી દૂર એક પગે ચાલીને જાય છે. તે સવારે 9 વાગ્યે શાળઆએ નિકળે છે અને પહાડી રસ્તો છે એટલા માટે 2 કિમી જવા માટે તેને લગભગ 1 કલાક જેટલો સમય પસાર થઈ જાય છે. પરવેઝ જણાવે છે કે, ઘરે પાછા આવતા એક પગે ચાલીને આવવામાં ઘણી મુશ્કેલીઓ આવે છે, પણ તેને ડોક્ટર બનવું છે, એટલા માટે તે હાર નથી માનતો.

રમત ગમતમાં ખૂબ રસ ધરાવે છે, બીજા વિદ્યાર્થીઓની સરખામણીમાં ખૂબ મહેનત કરે છે

પરવેઝ જણાવે છે કે, કેટલાય દોસ્તો તેની પાછળથી શાળાએ જવા નિકળે છે, છતાં પણ તેઓ પહેલા સ્કૂલે પહોંચી જાય છે, આ જોઈને ઘણી વાર ખોટુ લાગે છે. પણ તે નિરાશ થયો નથી. આશા છોડી નથી. પરવેઝ અન્ય વિદ્યાર્થીની સાથે સાથે ભણવામાં અને કોમ્પીટિશન કરવામાં ક્યાંય પાછળ નથી રહ્યો. પરવેઝ વોલીબોલ અને ક્રિકેટનો પ્લેયર છે. તે જુસ્સા સાથે કહે છે કે, તેને યોગ્ય કોચિંગ મળી જાય તો, તે મોટા પ્લેટફોર્મ પર સારામાં સારુ પ્રદર્શન કરી બતાવશે.