ખરેખર, ઓસ્ટ્રેલિયન નાગરિક નૉમ હુપર્ટને ઈઝરાયલ છોડવા પર પ્રતિબંધ લગાવવામાં આવ્યો છે. કારણકે તેની પત્નીએ તેની સામે છૂટાછેડાનો કેસ દાખલ કર્યો છે. ઈઝરાયલની કોર્ટે પ્રતિબંધની મુદ્દત અને ભરણપોષણની જે રકમ નક્કી કરી છે, જેને લઇ હોબાળો થયો છે. મીડિયા રિપોર્ટસ મુજબ, ઈઝરાયલની કોર્ટે પોતાના નિર્ણયમાં કહ્યું છે કે નૉમ હુપર્ટ 31 ડિસેમ્બર 9999 સુધી દેશ છોડીને બહાર જઇ શકશે નહીં. એટલેકે એક રીતે તેમને આગામી 8000 વર્ષો સુધી કેદ રહેવુ પડશે. કોર્ટે વધુમાં કહ્યું છે કે જો હુપર્ટને આ સજાથી બચાવવો હોય તો તેણે ભરણપોષણ અને બાળકોની સારસંભાળ માટે લગભગ 47 કરોડ રૂપિયા ચૂકવવા પડશે.
બ્રિટીશ પત્રકારે ઉઠાવ્યો મુદ્દો
કોર્ટે કહ્યું છે કે જો ઓસ્ટ્રેલિયન નાગરિકે 3 મિલિયન ડૉલરની ચૂકવણી કરી દીધી તો તેને સજામાંથી મુક્તિ મળી શકે છે. નહીંતર ઈઝરાયલમાં જ રહેવુ પડશે. આ કેસને બ્રિટીશ પત્રકાર Marianne Azizi એ ઉઠાવ્યો છે. તેમનું કહેવુ છે કે આ પ્રકારની મુશ્કેલી ઘણાં ઓસ્ટ્રેલિયન નાગરિકને હોઇ શકે છે. જો કે આ અંગે કશુ કરવાની જરૂર છે. તેમણે કહ્યું કે આ અંગે દૂતાવાસ તરફથી કોઈ માહિતી મળી નથી.
2012માં ઈઝરાયલ શિફ્ટ થયો હતો
ઓસ્ટ્રેલિયામાં રહેતો આ શખ્સ 2012માં પોતાના બે બાળકોની સાથે ઈઝરાયલમાં રહેવા આવ્યો હતો ત્યારે તેની પત્નીએ ઈઝરાયલની કોર્ટમાં પતિ વિરુદ્ધ છૂટાછેડાનો કેસ દાખલ કર્યો હતો. કોર્ટે જે ચુકાદો આપ્યો છે, તેને સાંભળીને આ વ્યક્તિના હોશ ઉડી ગયા છે. તે પોતે આ કેસમાં ફસાઇ ગયો છે તેવો અનુભવ કરી રહ્યો છે. તો આ સજા પર માનવ અધિકાર કાર્યકર્તાઓએ પણ સવાલ ઉઠાવ્યાં છે. કોર્ટના નિર્ણયમાં કહેવામાં આવ્યું છે કે નોમ હુપર્ટ રજા મનાવવા અને કામ કરવા માટે બહાર નહીં જઇ શકે.