OMG! / તલાકની ખુશી મનાવવી આ યુવકને ભારે પડી: લગાવી 70 ફૂટેથી છલાંગ, પછી જે થયું..., એકઝાટકે બદલાઇ ગઇ જિંદગી

• ડિવોર્સ સેલિબ્રેશનનો ક્રેઝ વધ્યો
• 22 વર્ષના રાફેલ નામના આ વ્યક્તિએ પોતાની પત્નીથી છુટાછેડા લીધા બાદ કર્યુ સેલિબ્રેશન  
• 70 ફુટ પરથી કુદ્યો અને રસ્સી તૂટી ગઈ

Divorce Plunging From 70 Feet: આજકાલ આપે એક નવા ટ્રેંડ વિશે સાંભળ્યું હશે અને જોયું પણ હશે. ધીમે ધીમે વિદેશોમાંથી આપણા દેશમાં પણ આવી રહ્યો છે આ ટ્રેંડ અને ટ્રેંડ છે લગ્નની માફક છુટાછેડાને સેલિબ્રેટ કરવાનો. લોકો એક સંબંધમાંથી બહાર નીકળ્યા બાદ દુ:ખી નહીં પણ ખુશીઓ મનાવે છે. કંઈ આવું જ કરવા માટે એક વ્યક્તિ ગયો હતો. જો કે તેની સાથે એવી દુર્ઘટના થઈ કે, તે જિંદગી ભર તેને ભૂલી શકશે નહીં.

22 વર્ષના રાફેલ નામના આ વ્યક્તિએ પોતાની પત્નીથી છુટાછેડા લીધા બાદ તેને સેલિબ્રેટ કરવા માટે બ્યૂટી સ્પોટ નામની જગ્યાની પસંદગી કરી. અહીંથી તેણે પોતાની જિંદગીની નવી ઉડાન આપવા માટે બંઝી જંમ્પિગનો ખતરનાક ખેલ પસંદ કર્યો. જો કે, તેને નહોતી ખબર કે આ નિર્ણય તેની જિંદગી પર કેટલો ભારે પડશે.

70 ફુટ પરથી કુદ્યો અને રસ્સી તૂટી ગઈ
બ્રાઝીલના રહેવાસી આ 22 વર્ષિય રાફેલ દોસ સાંતોસ ટોસ્ટા સાથે ખતરનાક દુર્ઘટના થઈ હતી. તેના છુટાછેડા થયા હતા, ત્યાર બાદ તે પોતાની જિંદગીને એન્જોય કરવા માગતો હતો. સ્થાનિક મીડિયા અનુસાર, રાફેલે જણાવ્યું કે,તે જિંદગીમાં આવેલા આ બદલાવ બાદ ક્રેઝી પ્રવૃતિઓ કરીને ખુશ થવા માગતો હતો. આ દરમ્યાન પોતાના 22માં જન્મદિવસ પર તે બંજી જમ્પિંગ માટે ગયો હતો. 70 ફુટની ઊંચાઈથી નીચે કુદ્યા બાદ તેની રસી તૂટી ગઈ અને સીધો સમુદ્રમાં જઈને પડ્યો હતો.

એક ઝાટકે બદલાઈ ગઈ જિંદગી
આ દુર્ઘટનામાં તેની ડોક અને કરોડરજ્જૂ તૂટી ગઈ. તેના ચહેરા અને શરીરના અલગ અલગ ભાગમાં ફ્રેક્ચર થયાં. રાફેલનું કહેવું છે કે, તેની માતા તેને ત્યાં જવાની ના પાડી રહી હતી, જો કે, તે માન્યો નહીં. દુર્ઘટના બાદ તેની જિંદગી પહેલા જેવી રહી નથી. દુર્ઘટનાના ત્રણ મહિના વીત્યા બાદ પણ તેની ટ્રીટમેન્ટ ચાલી રહી છે.