હાલ દિવાળીની બાદ ગુજરાતીઓ દીવના પ્રવાસે પહોંચી રહ્યા છે. દીવના નાગવા બીચ પર મોટી સંખ્યામાં લોકો ઉમટી પડ્યા છે. ત્યારે દીવમાં એક પ્રવાસી દંપત્તિ સાથે શ્વાસ અધ્ધર ચડાવી દે તેવી ઘટના બની છે.
નાગવા બીચ પાસેનો વીડિયો વાયરલ
પેરાશૂટમાં બેઠેલા પ્રવાસીઓને થયો અકસ્માત
અચાનક દોરડું તૂટતા પેરાશૂટથી પ્રવાસીઓ નીચે પટકાયા
દીવના બીચ પર અલગ અલગ સુવિધાઓ પ્રવાસીઓ માટે શરૂ કરવામાં આવી છે. જેમાં બોટિંગથી લઇને પેરાગ્લાઇડિંગની મજા પણ પ્રવાસીઓ માણી શકે છે. તેવામાં દીવના નાગવા બીચ પાસેનો એક વીડિયો વાયરલ થઇ રહ્યો છે. જેમાં પેરાશૂટમાં બેઠેલા પ્રવાસીઓને એક અકસ્માત થયો છે. એક દંપત્તિ બોટ સાથે બાંધેલા દોરડાની મદદથી પેરાશૂટમાં ઉડે છે. તેવામાં આકાશમાં ઉડતા હતા તે સમયે અચાનક બોટ અને પેરાશૂટ સાથે બાંધેલુ દોરડું તૂટ્યું હતું. આ દોરડું તૂટતા પેરાશૂટ બોટના કંટ્રોલથી બહાર થઇ ચૂક્યું હતું અને પેરાશૂટથી પ્રવાસીઓ નીચે પટકાયા હતા. જોકે આ દંપતિને ઈજા નથી થઇ.
ઘટના બાદ તંત્રએ ભૂલ ન સ્વીકારી, દંપત્તિને કર્યા હેરાન
આ ઘટના બાદ દીવ ટુરિઝમના અધિકારીઓ ભૂલ સ્વીકારવાને બદલે ભાગ્યા હતા. તો પ્રવાસી દંપતિને પોલીસ સ્ટેશનમાં બેસાડી રાખ્યા હતા. આ ઘટનામાં પોલીસ અને પ્રશાસનની મિલીભગતનો આક્ષેપ લગાવાયો છે. તો દાદાગીરી અને તોછડા વર્તનનો પણ આક્ષેપ લગાવાયો છે. સાથે પ્રવાસી દંપતિને હેરાન કરાયાનો આક્ષેપ લગાવાયો છે.