ગીર-સોમનાથ, ગીર ગઢડા અને ઉનામાં સવારથી માંડીને મોડી રાત સુધી દારૂના વેચાણ અને સામાજિક પ્રસંગો, લગ્નપ્રસંગોમાં દારૂની નદીઓ વહે છે. ઉનાના ધારાસભ્ય પૂંજા વંશ પોલીસ પર લાલઘૂમ
ઉના-ગીર સોમનાથમાં વહેતી દારૂની નદીઓ
ધારાસભ્ય પૂંજા વંશ પોલીસ પર લાલઘૂમ
ઉનાનાં કાલાપણ ગામ ની ઘટનાનો વિડીયો -અનુમાન
ગાંધીના ગુજરાતમાં દારૂની રેલમછેલ એ કોઈ આજની વાત ના હોવાનું કહી ને ઉનાના કોન્ગ્રેસના ધારાસભ્ય પૂંજા વંશે પોલીસ પર આકરા પ્રહાર કર્યા છે. ગીર-સોમનાથ, ગીર ગઢડા અને ઉનામાં સવારથી માંડીને મોડી રાત સુધી દારૂના વેચાણ અને સામાજિક પ્રસંગો, લગ્નપ્રસંગોમાં દારૂની નદીઓ વહે છે. દારૂબંધીના કડક કાયદાઓ 'વરસાદી પાણીમાં કાગળની હોળી બનીને તરી રહ્યા હોવાની અનૂભૂતિ ગુજરાતની જનતા કરી રહી હોવાની અનુભૂતિ વાયરલ થયેલા વિડીયોથી ગુજરાતની જનતા કરી રહી છે. ધારાસભ્ય પૂંજા વંશે પોલીસ પર આરોપ લગાવતા કહ્યું કે, આ પંથકના તમામ ગામ્ય વિસ્તારોમાં દારુ મળે જ છે. ગીર સોમનાથના ASP ઓમપ્રકાશ જાટે જણાવ્યુ કે ઉના તાલુકાના કાલાપણ ગામનો વીડિયો હોવાનું જાણવા મળ્યુ છે, જેના આધારે આ મામલે વિજય કાંતિભાઈ સોલંકી અને રાણા દિલીપ સોલંકી નામના બે શખસની શકમંદ તરીકે અટકાયત કરી પૂછપરછ હાથ ધરી છે.
ગાંધીના ગુજરાતમાં દારુબંધી માત્ર કાગળો પર જ લાગે છે. કારણ કે એક દિવસ એવો હોતો નથી કે દારુબંધીની પોલ ખોલતી ઘટના ન બની હોય. રોજબરોજ કાયદાની શેહશરમ વિના બેફામ દારુની મહેફિલો અને દારુની અડ્ડા ધમધમી રહ્યા હોવાનું આપણે વારંવાર સમાચારોમાં જોઇએ છીએ ત્યારે ફરી એકવાર દારુબંધીના નિયમો નેવે મુક્યા હોવાની ઘટના સામે આવી છે.
લગ્નની સિઝન ચાલી રહી છે પરંતુ કેટલાક લગ્નપ્રસંગોમાં તો બોટલો ન ખૂલે ત્યાં સુધી લગ્ન ગણાય જ નહી તેવી પરંપરા હોય તેમ લાગી રહ્યુ છે. એક વીડિયો વાયરલ થયો છે જેમાં વરઘોડામાં લોકો બેફામ થઇને દારુની છોળો ઉડાડતા નજરે પડી રહ્યા છે. એક બે નહી પરંતુ 3 થી 4 લોકો દારુબંધીના લીરેલીરાં ઉડાવતા જોવા મળી રહ્યા છે. દારુબંધીનો કાયદાનું પાલન કરાવવામાં પોલીસની નિષ્ફળતા છતી થઇ છે.
ગીર સોમનાથના SP રાહુલ ત્રિપાઠીએ આ મામલે કંઇ બોલવાનો ઇન્કાર કરી દીધો છે. તેઓનું કહેવુ છે કે વીડિયોની તપાસ કર્યા પહેલા તેઓ કંઇજ કહેવા માટે સક્ષમ નથી. ત્યારે અહીં સવાલ એ થાય કે જાહેરમાં કાયદાનું ઉલ્લંઘન થાય. આટલી બધા લોકો વચ્ચે દારુની છોળો ઉડે અને પોલીસ આ ઘટનાથી અજાણ કેવી રીતે હોઇ શકે ?