પ્રવાસન / સુરતીઓને જલસા; તેમની ફેવરિટ જગ્યાએ જતા હવે તેમને કોઈ નહીં રોકે

ઉનાળાની ઋતુમાં વેકેશનમાં તેમનો સૌથી વધુ નફો કમાવવાની તક ગુમાવ્યા બાદ હોટલના માલિકોને હવે સારા સમાચાર મળ્યા છે. 

મંગળવારથી જિલ્લાના તંત્રએ આ પ્રદેશમાં અમદાવાદ, સુરત અને મહારાષ્ટ્રથી આવતા પ્રવાસીઓ માટે ઈ પાસ ફરજિયાત હોવાની શરત કાઢી નાખી હતી. આ મુદ્દે દીવના કલેકટર સલોની રાયે ટ્વીટ કરીને જણાવ્યું હતું કે હવેથી દીવમાં પ્રવેશવા માટે કોઈ અલગ ઈ પાસ કે પરમિશનની જરુર પડશે નહીં. 

No e-pass/ separate permission required for entry/exit from Diu district henceforth. Open movement permitted.

— Saloni Rai, IAS (@rai_saloni) August 24, 2020

દીવની જો વાત કરવામાં આવે તો અહીં અત્યાર સુધી કોરોનાના 185 કેસ નોંધાયા છે. જો કે દીવ દમણ બંને સ્થળોએ હોટલના માલિકો આવતા અઠવાડિયે જયારે રાજ્ય સરકાર ટુરિસ્ટ પ્લેસીસ ખોલી દે તેની રાહ જોઈ રહ્યા છે. અત્યારે અહીં બાર પણ બંધ છે. પરંતુ વાઈન શોપ્સ ખુલ્લી છે. 

કોરોના અને લોકડાઉનના પગલે સહેલાણીઓ અહીં આવવાનું ટાળી રહ્યા છે. જો સરકાર વધુ છૂટછાટ આપે તો હોટેલ માલિકો અને અન્ય દુકાનોના માલિકો દિવાળી અને ક્રિસમસ સારી જઈ શકે તેવી અપેક્ષા રાખી રહ્યા છે.