રાજ્યમાં કોરોના વેક્સિન માટે શરૂઆતથી જ ઓનલાઈન રજીસ્ટ્રેશનને લઈને લોકોને સમસ્યાનો સામનો કરવો પડ્યો છે.
વેક્સિનેશન મુદ્દે રાજ્ય સરકારનો નિર્ણય
રજિસ્ટ્રેશનનો નિર્ણય જિલ્લા તંત્ર પર છોડ્યો
રજિસ્ટ્રેશનમાં હાલાકીને લઇ લીધો નિર્ણય
વેક્સિનેશન મુદ્દે રાજ્ય સરકારનો નિર્ણય
ગુજરાત સહિત આખો દેશ કોરોના વાયરસની બીજી લહેર સામે લડી રહ્યો છે. જૂન મહિનામાં કોરોના વાયરસની લહેર ધીમી પડી છે જેથી નવા કેસની સંખ્યામાં સતત ઘટાડો સામે આવી રહ્યો છે ત્યારે રસીકરણની ઝડપ વધારવાની જરૂર છે. કેન્દ્ર સરકારનો દાવો છે કે આ જ વર્ષના અંત સુધીમાં દેશના બધાને વેક્સિન આપી દેવામાં આવશે. ત્યારે ગુજરાત સરકાર દ્વારા મોટો નિર્ણય લેવામાં આવ્યો છે.
ઓનલાઇન કે ઓફલાઇન રજિસ્ટ્રેશનનો નિર્ણય જિલ્લા તંત્ર પર છોડ્યો
રાજ્યમાં કોરોના વેક્સિન માટે શરૂઆતથી જ ઓનલાઈન રજીસ્ટ્રેશનને લઈને લોકોને સમસ્યાનો સામનો કરવો પડ્યો છે. ઘણા બધા લોકોની ફરિયાદ છે કે ઓનલાઈન રજીસ્ટ્રેશન થતુ નથી ત્યારે રાજ્યમાં ઓનલાઈન કે ઓફલાઇન રજિસ્ટ્રેશનનો નિર્ણય રાજ્ય સરકારે હવે જિલ્લા તંત્ર પર છોડ્યો છે. ઓનલાઈન રજીસ્ટ્રેશનના કારણે હાલાકીનો સામનો કરવો પડી રહ્યો છે ત્યારે આરોગ્ય વિભાગ દ્વારા વહીવટી અધિકારીઓને આ મુદ્દે સૂચના આપી દેવામાં આવી છે. નોંધનીય છે કે અગાઉ રાજ્ય સરકારે ઓફલાઇન રજિસ્ટ્રેશનનો કર્યો હતો ઇન્કાર.
કેન્દ્ર સરકાર બાદ રાજ્ય સરકારે મોડ-મોડે નિર્ણય કર્યો
આ સિવાય બીજો મોટો નિર્ણય તંત્ર દ્વારા લેવામાં આવ્યો છે કે રજીસ્ટ્રેશન કરનાર વ્યક્તિ સેન્ટર પર ન પહોંચે તો હાજર અન્ય વ્યક્તિને રસી આપી દેવામાં આવશે. ગુજરાતમાં કોરોના રસીકરણને વેગ આપવા માટે રાજ્ય સરકાર દ્વારા અધિકારીઓને સૂચના આપી દેવામાં આવી છે.