પાટણ / હારીજમાં પેટાચૂંટણીમાં ભાજપના નેતાઓના ફોટાવાળી છત્રીનું વિતરણ, આચાર સંહિતાનું ઉલ્લંઘન

• પાટણના હારીજ શહેરમાં આચારસંહિતાનું ઉલ્લંઘન
• હારીજ નગરપાલિકાની એક બેઠક માટે પેટાચૂંટણી
• સરકારની છત્રીઓનું ફેરિયાઓને કરાયું વેચાણ

પાટણના હારીજ શહેરમાં આચારસંહિતાનું ઉલ્લંઘન જોવા મળ્યું હતું. હારીજ નગરપાલિકાની એક બેઠક માટે પેટાચૂંટણી યોજાવવાની છે. ત્યારે સરકારની છત્રીઓનું ફેરિયાઓને વેચાણ કરવામાં આવ્યું છે. ગુજરાત સરકારનો છાંયડો લખેલી છત્રીઓનું વિતરણ કરી દેવાયું છે. જ્યારે એક તરફ પેટાચૂંટણીનો પ્રચાર પણ ચાલી રહ્યો છે.

જે છત્રીઓનું વિતરણ કરવામાં આવ્યું તેના પર ભાજપ નેતાઓના ફોટો પણ લાગ્યા છે. જેને લઈને વિવાદ પણ સર્જાયો છે. તો બીજી તરફ આચાર સંહિતા પણ લાગુ કરવામાં આવી છે. સરકાર માન્ય સંસ્થા એગ્રી બિઝનેસ સેન્ટર આ છત્રીઓનું વિતરણ કરાયું છે. આચાર સંહિતાનો ભંગ થતા અધિકારીઓ સફાળા જાગ્યા હતા. જે બાદ અધિકારીઓએ છત્રીનું વિતરણ બંધ કરાવ્યું હતું.