સાવ ધુપ્પલ / સરદાર પટેલ યુનિવર્સિટીના કુલપતિ ડો.કુલકર્ણી પદ માટે ગેરલાયક, UGCના નિયમનું ઉલ્લંઘન-સુપ્રીમ કોર્ટ

• સરદાર પટેલ યુનિવર્સિટીના કુલપતિ પદ માટે ગેરલાયક 
• સુપ્રીમ કોર્ટે કુલપતિ શિરીષ કુલકર્ણીને ગેરલાયક ઠેરવ્યા 
• યોગ્યતા ન હોવા છતાં સરકારે કુલપતિ બનાવ્યા હતા-સુપ્રીમ 
   

સરદાર પટેલ યુનિવર્સિટીના કુલપતિ  શિરીષ કુલકર્ણીને સુપ્રીમ કોર્ટે ગેરલાયક ઠેરવ્યા છે. સુપ્રીમ કોર્ટે કુલપતિ શિરીષ કુલકર્ણીને ગેરલાયક ઠેરવતા 51 જેટલા પૂર્વ સિન્ડીકેટ સભ્યોએ ત્રણ મહિના પહેલા કરેલી રજૂઆતનો નિવેડો આવી ગયો છે.  સુપ્રીમ કોર્ટે તારણમાં કહ્યુકે, યોગ્યતા ન હોવા છતાં સરકારે કુલપતિ બનાવ્યા હતા. UGCના નિયમનું ઉલ્લંઘન થતા કોર્ટે  આદેશ કર્યો  હતો. 

અગાઉ ત્રણ મહિના પહેલા  કેટલાક પૂર્વ સિન્ડીકેટ સભ્યોએ એક જુથ નીચે આવીને યુનિવર્સિટીમાં ગેરરીતિ ચાલતી હોવાનો આક્ષેપ કર્યો હતો  અને આ પાછળ  કુલપતિ ડો. શિરીષ કુલકર્ણી જવાબદાર હોવાની વાત કરી હતી. જોકે એ વખતે  કુલપતિ ડો. શિરીષ કુલકર્ણીએ આ તમામ આક્ષેપો નકારી કાઢ્યાં હતા  અને  તેમની કામગીરી હિસાબો સહિતની બાબતમાં યોગ્ય હોવાનું જણાવ્યું હતું 

યોગ્યતા ના હોવા છતાં કુલપતિ-તારણ 

સુપ્રીમ કોર્ટના અવલોકનમાં  કુલપતિ ડો. શિરીષ કુલકર્ણીને પુરતો અનુભવ ન હોવા છતાં પણ કુલપતિ પદે નિમણૂંક કરી હતી હોવાનું કહ્યું, આ અગાઉ પણ સુપ્રીમ કોર્ટે રાજ્ય સરકારને કરી  ટકોર કરી હતી. છતાં પણ રાજ્ય સરકારે શિરિષ કુલકર્ણીને બીજી ટર્મ આપી હતી. જ્યારે, બીજી વખત કુલપતિ પદે નિમણૂંક થતા ફરીથી સુપ્રીમ કોર્ટમાં અરજી કરાઇ હતી.UGCના નિયમ પ્રમાણે કુલપતિ પદ માટે 10 વર્ષ પ્રોફેસર તરીકેનો  અનુભવ જરૂરી હોવાનું મહત્વ છે. કહેવાય છે કે, ભાજપના ટોચના નેતાના નજીકના હોવાથી કુલપતિ તરીકે નિમણૂંક કરાઇ હતી. 

ત્રણેક મહિના અગાઉ સરદાર પટેલ યુનિવર્સિટીના 51 જેટલા પૂર્વ સિન્ડીકેટ સભ્યોએ, સરદાર પટેલ યુનિવર્સિટીના કુલપતિ ડો. શિરીષ કુલકર્ણીએ તેમના પાંચ વર્ષના કુલપતિ તરીકેના કાર્યકાળ દરમિયાનની ગેરરીતિઓ, ગેર વહીવટ ઉજાગર કરવા ફરિયાદ કરી હતી અને કેટલાક મુદ્દાઓ રજૂ કર્યા હતા. આ મુદ્દાઓમાં  યુનિવર્સિટી સંલગ્ન કોલેજોના સંચાલકો, આચાર્યો, અધ્યાપકો અને વિદ્યાર્થીઓને તેમની રીતિ, નીતિ, પધ્ધતિ તેમજ મનઘડંત નિર્ણયોથી જે હેરાનગતી અને પજવણી કરી હોવાની રજૂઆત કરી હતી.