VIDEO: ભીમનાથ તળાવમાં બોટિંગ શરૂ કરવા માટે ટ્યુબવેલથી પાણી ભરાતા સ્થાનિકોમાં રોષ

મહેસાણા: જિલ્લામાં કડી ભીમનાથ તળાવમાં બોટિંગ શરૂ કરવા ટયુબવેલથી પાણી ભરાતા બહુ મોટો વિવાદ સર્જાયો છે. સતત 10 દિવસ સુધી 24 કલાક બોર ચાલુ રાખીને તળાવમાં ટયુબવેલથી પાણી ભરાયું હતું. જયારે આ મામલે વિજય રૂપાણીને સવાલ પૂછતા તેમણે કોઈ પ્રતિક્રિયા આપી નહતી. અને કહ્યું કે સ્થાનિકોનું કહેવું છે મારે કંઇ જવાબ દેવો નથી.

ઉલ્લેખનીય છે કે આજે સાંજે નાયબ મુખ્યમંત્રી નીતિન પટેલ ભીમનાથ તળાવનું ઉદ્વાટન કરવાના છે. જેને લઇને તળાવમાં ટયુબવેલથી પાણી ભરાઈ રહ્યું છે. ભીમનાથ તળાવમાં બોટિંગ શરૂ કરવા ટ્યુબવેલથી પાણી ભરાતા તંત્ર સામે અનેક સવાલો ઉભા થાય છે.


આ રીતે બોટિંગ શરૂ કરવાનો શું મતલબ? કોની પરવાનગીથી તળાવમાં બોરથી પાણી ભરાયું? નાયબ મુખ્યમંત્રીને ખુશ કરવા ભરાયું પાણી..? કેટલું પાણી વેડફયુ તેનો જવાબ કોણ આપશે.આ રીતે લોકોને સુવિધા આપવાનો શું મતલબ. લોકોને પીવાનું પાણી નથી ત્યાં બોરથી તળાવ ભરવાનો શું મતલબ જેવા તમામ પ્રકારના સવાલો અહીં થાય છે.

ઉલ્લેખનીય છે કે રાજ્યમાં એક તરફ પાણીમાંટે પોકાર થઇ રહ્યો છે ત્યારે ગુજરાતના ઉપમુખ્યમંત્રીના ગામ મહેસાણા ખાતે ભીમનાથ તળાવનું ઉદ્ઘાટન થવાનું છે ત્યારે ઉપમુખ્યમંત્રી આવે તે પહેલા જ ટ્યુવેલથી પાણી ભરવામાં આવ્યું. આ માટે 24 કલાક સુધી સતત પાણી ભરવામાં આવેલ અને ત્યારબાદ બોટિંગ કરતા લોકોના દ્રશ્યો પણ સામે આવતા તંત્ર સામે કેટલાય સવાલો પ્રજાજનોએ કરી દીધા હતા.