બોલીવુડના સિંઘમ અજય દેવગનના ડીજીટલ ડેબ્યુનું પ્રશંસકો છેલ્લાં લાંબા સમયથી રાહ જોઇ રહ્યાં હતા. અજય દેવગન અભિનીત હોટસ્ટાર સ્પેશિયલ વેબસીરીઝ રૂદ્ર: ધ એજ ઑફ ડાર્કનેસનું ટ્રેલર રિલીઝ થયુ છે.
વેબસીરીઝ રૂદ્ર: ધ એજ ઑફ ડાર્કનેસનું ટ્રેલર રિલીઝ
સ્પેશિયલ વેબસીરીઝમાં અજય દેવગનની સાથે રાશિ ખન્ના સામેલ
અજય દેવગન આ સીરીઝથી પોતાનું ઓટીટી ડેબ્યુ કરી રહ્યાં છે
રૂદ્રનું બીજુ ટ્રેલર
રૂદ્ર બિટીશ સીરીઝ લૂથરની રીમેક છે, જેમાં અજય દેવગનની સાથે રાશિ ખન્ના, ઈશા દેઓલ, અતુલ કુલકર્ણી, અશ્વિની કલસેકર, તરૂણ ગેહલોત, આશિષ વિદ્યાર્થી અને સત્યદીપ લીડ રોલમાં જોવા મળશે. ડીજની પ્લસ હોટ સ્ટારે રૂદ્ર: ધ એજ ઑફ ડાર્કનેસનું બીજુ ટ્રેલર લોન્ચ કર્યુ. આ ટ્રેલરની શરૂઆત થાય છે, અજય દેવગનના ભારે ધરખમ ડાયલોગથી, જે અંધારામાં છુપાયા હોય છે હું તેમને ત્યાં જ મળુ છુ. અજય દેવગન આ સીરીઝમાં એસીપી રૂદ્ર વીરનું પાત્ર ભજવી રહ્યાં છે, જેઓ ઘણા પેચીદા કેસનો ઉકેલ લાવી રહ્યાં છે. નિર્દેશક રાજેશ માપુસ્કર દ્વારા નિર્દેશિત આ સીરીઝથી અજય દેવગન પોતાનું ઓટીટી ડેબ્યુ કરી રહ્યાં છે.
શું બોલ્યા નિર્દેશક
આ સીરીઝ અંગે નિર્દેશક રાજેશ માપુસ્કરે કહ્યું, રૂદ્ર એક સામાન્ય પોલીસવાળા અને ક્રાઈમ ડ્રામાની ઉંડી અને ગંભીર કહાનીને રજૂ કરે છે. એક હીરો જે પોતે અંધારામાં છે તે ગુનાખોરી મગજની માનસિકતાને સમજવા અને સત્યને શોધવામાં લાગી જાય છે. આ ખૂબ જ આકર્ષક અને રસપ્રદ કહાની છે અને આશા રાખુ છુ કે લોકોને તેને વધારે પસંદ કરશે.
અજયનું ડીજીટલ ડેબ્યુ
તો અજય દેવગને કહ્યું, રૂદ્ર- ધ એજ ઑફ ડાર્કનેસમાં મારુ પાત્ર ખૂબ જ ગ્રે છે, જેને તમે પહેલા ક્યારેય જોયુ નહીં હોય. આ પાત્ર મારા માટે પડકારપૂર્ણ અને પ્રેરક બંને રહ્યું છે અને હું રૂદ્રના જાદુને વિશ્વભરમાં પોતાના ચાહકોની સાથે શેર કરવા માટે ઉત્સાહિત છુ. મને આશા છે કે આ શોને એટલો જ પ્રેમ કરીશું, જેટલો અમે આ શોને બનાવવાની દિશામાં કામ કર્યુ છે.