Coronavirus / લોકડાઉનમાં મજા કરાવવા માટે ડિઝનીના પાત્રો હવે તમારા મોબાઈલમાં; આ કંપનીએ સ્ટ્રીમીંગ સેવા શરુ કરી

ભારતમાં સ્ટાર ઈન્ડિયા માટે ડિઝની પ્લસની રજૂઆત ખૂબ જ મહત્વપૂર્ણ છે. કેમકે હોટસ્ટારની અત્યારે નેટફ્લિક્સ અને પ્રાઇમ વિડિઓ સાથે સીધી સ્પર્ધા છે. ડિઝનીની મુવીઝ અને વેબસિરીઝથી હોટસ્ટારને આ સ્પર્ધામાં આગળ મુકી દે તેવી શકયતા છે. હોટ સ્ટાર પર ડિઝની પ્લસ લોંચ થશે ત્યારે વીઆઇપી કસ્ટમર તેને  હિન્દી, તમિલ અથવા તેલુગુ ભાષામાં જોઇ શકશે. આ સિવાય ડિઝની પ્લસ ઓરિજિનલ્સ અંગ્રેજીમાં પણ જોઈ શકશે. જો તમને પ્રોગ્રામ્સની વચ્ચે એડ જોવામાં વાંધો નથી તો તમે ઘણું બધું કન્ટેન્ટ ફ્રીમાં પણ જોઇ શકશો. 

સ્ટાર અને ડિઝની ઇન્ડિયાના જણાવ્યા મુજબ ડિઝની પ્લસની શરૂઆત ભારતમાં વીડિયો સ્ટ્રીમિંગમાં નવા યુગની શરૂઆત કરશે. કોરોનાને કારણે ઘરમાં બંધ લોકો માટે ડિઝની પ્લસ ખૂબ મદદરૂપ થશે. ડિઝની, પિક્સાર, સ્ટાર વોર્સ અને નેશનલ જિયોગ્રાફિકના કન્ટેન્ટ સર્ચ કરવા ડિઝની પ્લસ પર અલગ વ્યવસ્થા છે. 

ડિઝની પ્લસની સુપરહિટ ફિલ્મ ધ લાયન કિંગ સાથે 2 એપ્રિલના રોજ તેનું લોન્ચિંગ થશે. તા-3 એપ્રિલથી ભારતમાં લોકો મોબાઇલ પર ડિઝની પ્લસ જોઇ શકશે. સ્ટાર ઈન્ડિયાએ 13 માર્ચે ડિઝની પ્લસના લોન્ચિંગ માટે મુંબઇમાં એક કાર્યક્રમનું આયોજન કર્યું હતું, પરંતુ કોરોના વાયરસ ના પગલાંને કારણે કાર્યક્રમ મોકૂફ રાખવામાં આવ્યો હતો