તારક મહેતા કા ઉલ્ટા ચશ્મા નામ સાંભળો એટલે ચહેરા પર એક હાસ્ય આવી જાય, સૌથી પહેલા તમારા મનમાં જેઠાલાલ અને દયાની તૂતૂ-મેમે સંભળાવા લાગે. બસ આ જ સફળતા છે દિશા વાકાણી એટલે કે દયા બેનની. જે દયા બેનનો જન્મદિવસ છે ત્યારે અમે તમને જણાવીશું કે તારક મહેતા.. પહેલા દિશા વાકાણી શું કામ કરતા હતા.
દિશા વાકાણીનો જન્મદિવસ
દયાબેનથી ઘરે ઘરે થયા પ્રખ્યાત
શૉ પહેલા કરતા હતા થિયેટર
દિશા વાકાણીને કોઇ પણ તેમના નામથી નથી ઓળખતું, સમગ્ર દેશ તેમને દયા બેનના નામે ઓળખવા લાગ્યો છે. લોકો તેમની બોલવાની, હસવાની સ્ટાઇલને કોપી કરવાનો પ્રયત્ન કરતા રહે છે. આ કોમેડી ક્વીનને સફળતાની સીડી મળી તારક મહેતા.. શૉથી.
2008માં તારક મહેતા.. શૉ શરૂ થયો અને દિશાની દયા બનવાની સફર પણ ત્યારે જ શરૂ થઇ. 2008 પહેલા દિશાએ જીવનમાં ઘણો સંઘર્ષ કર્યો છે. આ શૉ પહેલા ખાસ કોઇ તેમને ઓળખતુ ન હતું.
ગુજરાતના અમદાવાદમાં જન્મેલી દિશાએ થિયેટર થકી એક્ટિંગક્ષેત્રમાં પગ મૂક્યો હતો પરંતુ ત્યાં પણ તેમનો અનુભવ કંઇ ખાસ ન રહ્યો અને પ્રસિદ્ધિ પણ ન સાંપડી.
દિશાના કહેવા અનુસાક કેટલીક વાર તો કામ કર્યાના પૈસા પણ નહોતા મળતા. ક્યારેક પૈસા મળી જાય તો કામ એકદમ બકવાસ હોય પરંતુ ત્યારે દિશા એટલી લોકપ્રિય નહોતી કે તે તેમની પસંદનું કામ કરી શકે.
બસ આ જ કારણે દિશાએ 1997માં એક બી-ગ્રેડ ફિલ્મ સાઇન કરી લીધી. ફિલ્મનું નામ હતું કમસિન ધ અનટચ્ડ. તે ફિલ્મમાં દિશાને એક એવા અવતારમાં જોવામાં આવી જેવું ક્યારેય તમે વિચાર્યુ પણ ન હોય. તેમનુ કેરેક્ટર ઘણું જ બોલ્ડ હતુ.
ઘણીવાર ભૂતકાળમાં કરેલા કામ તમને હેરાન કરતા હોય છે પરંતુ દિશા પોતાની લાઇફને ળઇને ખૂબ પોઝીટીવ છે. તે કહે છે કે મુશ્કેલ સમયમાંથી પણ કંઇક શીખતા રહેવું જોઇએ.
તેમની મહેનત રંગ લાવી અને તારક મહેતા...શૉ તેમને ઑફર થયો. સતત 9 વર્ષ કામ કર્યા બાદ તેમણે શૉમાંથી બ્રેક લીધો. બ્રેકનું કારણ તેમની દીકરીને માનવામાં આવે છે પરંતુ એવા પણ સમાચાર હતા કે દિશા અને મેકર્સ વચ્ચે કેટલાક મતભેદ રહ્યાં હતા.