Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

ઇન્ટરવ્યૂ / 'તારક મહેતા...' શો માં વાપસી કરશે દયાબેન, જેઠાલાલે કર્યો ખુલાસો

'તારક મહેતા...' શો માં વાપસી કરશે દયાબેન, જેઠાલાલે કર્યો ખુલાસો

તારક મહેતા કા ઉલ્ટા ચશ્મા દર્શકોને ખૂબ મનોરંજન કરે છે. શો ને 28 જુલાઇએ 11 વર્ષ પૂરા થઇ ગયા. થોડાક દિવસો અગાઉ માહિતી મળી હતી કે દયાબેનનું કિરદાર નિભાવનાર દિશા વકાણી હવે શો માં વાપસી કરશે નહીં, પરંતુ હવે દયાબેન શો માં વાપસી કરશે એવો જેઠાલાલે ખુલાસો કર્યો છે.

તારક મહેતા કા ઉલ્ટા ચશ્મા શો નો જીવ અને લાંબા સમયથી ગુમ ચાલી રહેલી દિશા વકાણીને લઇને મોટી અપડેટ સામે આવી છે. દયાબેન એટલે કે દિશા વકાણીથી જોડાયેલી માહિતી શો માં એના જોડીદાર જેઠાલાલે એક ઇન્ટરવ્યૂમાં આપી. દિલીપ જોશીની વાત સાંભળ્યા બાદ આ શો ના પ્રશસંકોએ રાતના શ્વાસ લીધા છે. 

દિલીપ જોશી એટલે કે જેઠાલાલે એક મીડિયાને આપેલા ઇન્ટવ્યૂમાં કહ્યું, મને નથી ખબર પરંતુ કંઇ પણ થઇ શકે છે. દિશા પોતાના કિરદારમાં વાપસી કરી શકે છે. હું આશા રાખું છું કે એ પરત આવશે. એની સાથે જ જેઠાભાઇએ બીજી એક વાત કહી. 

દિલીપ જોશીએ કહ્યું કે એ નવી દિશા સાથે પણ કામ કરવા તૈયાર છે. દિલીપ જોશીએ કહ્યું કે, જો તમારા પરિવારમાંથી કોઈ ચાલ્યું જાય છે તો પણ જિંદગી ચાલતી રહે છે. તમારે પોતાને સમજાવવું પડે છે. કોઈ રસ્તો નથી હોતો. મને લાગે છે કે આ કિરદાર તેમના માટે જ બન્યો છે. તેમણે સાડા નવ વર્ષ સુધી ખૂબ જ મહેનત કરી છે. એવા પણ અહેવાલો આવ્યા હતા કે દયાબેનના કિરદાર માટે વિભૂતિ શર્માનો લૂક ટેસ્ટ થયો છે.

મતલબ સ્પષ્ટ છે કે દયાબેનની વાપસી થવાની છે. હવે નવો ચહેરો હશે કે ઓળખીતો ચહેરો એ તો સમય આવવા પર જ જાણ થશે. 

જણાવી દઇએ કે દયાબેન મેટરનિટી લીવ પર ગઇ હતી. ત્યારબાદથી એને શો માં વાપસી કરી નથી. લાંબા સમય સુધી એને પાછા આવવાને લઇને માહિતી મળતી રહેતી હતી. પરંતુ એ પરત ફરી નહીં. કહેવામાં આવ્યું કે દિશા વકાણી ફી વધારવા માટેનું કહી રહી છે. તો પ્રોડ્યૂસર્સે આ વાત માનવાની ના પાડી દીધી હતી. 

જોવા જેવું વધુ જુઓ

બ્રેકિંગ ન્યૂઝ