તારક મેહતા કા ઉલ્ટા ચશ્મા શોથી ઘર-ઘરમાં જાણીતી બનેલી દયાબેન એટલે કે દિશા વાકાણીનો આજે જન્મ દિવસ છે. ચાલો જાણીએ તેના વિશે કેટલીક અજાણી વાતો.
આજે એટલે કે 17 ઓગસ્ટ દિશા વાકાણીનો જન્મદિવસ છે
દિશાએ ગુજરાતી થિએટરથી કરિઅરની શરૂઆત કરી હતી
તારક મહેતા શો પહેલાં દિશાએ ઘણું સ્ટ્રગલ કર્યું છે
દિશા વાકાણીનો જન્મ 17 ઓગસ્ટ 1978માં ગુજરાતના અમદાવાદમાં થયો હતો. ગુજરાતી થિએટરથી કરિઅરની શરૂઆત કરનારી દિશા વાકાણી આજે ઘર ઘરમાં દયાભાભીના નામથી ઓળખ બનાવી ચૂકી છે.
દિશા વાકાણીને 'તારક મેહતા કા ઉલ્ટા ચશ્મા' શોમાં તેની એક્ટિંગ અને બોલવાની સ્ટાઇલને કારણે ટીવીની કોમેડી ક્વિન બનાવી દીધી. જોકે, આ શો પહેલાં દિશાએ ઘણું સ્ટ્રગલ કર્યું છે. આ મુકામ પર પહોંચવા માટે દિશાને સખત મહેનત કરવી પડી. ઘણાં ઓછાં લોકો જાણે છે કે, દિશા વાકાણીએ કેટલીક બી ગ્રેડ ફિલ્મોમાં કામ કર્યું છે. 1997માં આવેલી ફિલ્મ 'કમસિન: ધ અનટચ્ડ'માં દિશા વાકાણીએ ઘણાં બોલ્ડ સીન્સ આપ્યા હતા.
દિશા વાકાણીએ ઐશ્વર્યા રાય બચ્ચન અને રિતિક રોશનની ફિલ્મ 'જોધા અકબર'માં પણ કામ કર્યુ છે. 'જોધા અકબર' ફિલ્મમાં દિશાએ જોધા બાઇની ખાસ દાસીનો રોલ પ્લે કર્યો હતો. જોકે, દિશાનો રોલ ઘણો જ નાનો હતો. જેથી દર્શકોને તેનો રોલ યાદ નથી. 'જોધા-અકબર' ઉપરાંત દિશા વાકાણી ઐશ્વર્યા રાય બચ્ચન, શાહરૂખ ખાન અને માધુરી દીક્ષિતની ફિલ્મ 'દેવદાસ'માં પણ જોવા મળી હતી. આ ફિલ્મ સુપરહિટ સાબિત થઇ હતી.
દિશા વાકાણીએ આમિર ખાનની ફિલ્મ 'મંગલ પાંડે'માં પણ કામ કર્યુ હતું. તેણે આ ફિલ્મમાં એક વેશ્યાની નાનકડી ભૂમિકા અદા કરી હતી.
અનુપમ ખેરની નોટ સો પોપ્યુલર ફિલ્મ સી કંપનીમાં દિશા વાકાણીએ કામ કર્યું હતું. ફિલ્મની નિર્માતા એકતા કપૂર હતી. તેમાં મિથુન ચક્રવર્તી, તુષાર કપૂર અને અન્ય ઘણાં એક્ટર્સ પણ હતા. દિશાએ ફિલ્મમાં એક વિધવા મહિલાનો રોલ પ્લે કર્યો હતો.
પ્રિયંકા ચોપરા અને હરમન બાવેજાની ફિલ્મ 'લવ સ્ટોરી 2050'માં દિશાએ નોકરાણીનો રોલ પ્લે કર્યો હતો અને રસપ્રદ વાત એ છે કે આ ફિલ્મમાં દિલીપ જોશી પણ હતા.