બોલિવૂડની ટોચની એક્ટ્રેસ દિશા પટણીની તસવીરો ઈન્ટરનેટ પર બહુ લોકપ્રિય થાય છે. પોતાની ગ્લેમરસ અદાઓની સાથે-સાથે ફિટનેસ સ્ટંટબાજીથી ફેમસ દિશા પટણી હવે આદિત્ય રોય કપૂર સાથે જોવા મળશે. ટૂંક સમયમાં રિલીઝ થનારી ફિલ્મ 'મલંગ'ની શૂટિંગ માટે તેણે ઘણી તૈયારી કરી છે.
'મલંગ'ની શૂટિંગ માટે દિશાએ કરી તૈયારી
ફિલ્મમાં કિસિંગ સીન માટે દિશાએ લીધી 2 દિવસની ટ્રેનિંગ
આ ફિલ્મમાં અંડર વોટર કિસિંગ સીન દર્શાવવામાં આવ્યો છે. આ કારણથી તેણે બે દિવસ લાંબી એક વિશેષ ટ્રેનિંગ પણ લીધી હતી. ફિલ્મમાં એક સીન છે, જેના માટે દિશા અને આદિત્યને એક મિનિટ સુધી પાણીની અંદર રહેવાનું હતું. પાણીની અંદર રહેવાની ક્ષમતા પર તેને ટ્રેનિંગ અપાઇ. શ્વાસ લેવાની રીતને લઇ દિશા અને આદિત્યને ટ્રેનિંગ અપાઈ હતી. મલંગ 14 ફેબ્રુઆરીએ રિલીઝ થશે. આ ફિલ્મ મોહિત સુરીએ ડિરેક્ટ કરી છે.
દિશા 'બાગી-3' માટે પણ વિશેષ તૈયારી કરી રહી છે. તે 'બાગી'ની સીરિઝમાં બીજી વખત કામ કરવા જઇ રહી છે. આ પહેલાં તે 'બાગી'માં તેના બોયફ્રેન્ડ ટાઇગર શ્રોફ સાથે જોવા મળી હતી. હવે તે તેના ત્રીજા ભાગમાં પણ ટાઇગર શ્રોફ સાથે જોવા મળશે.
આ ફિલ્મને લઇ તે અત્યંત ઉત્સાહિત છે. તેની ટ્રેનિંગમાં પણ તેણે કોઇ કસર છોડી નથી. કેટલીક વાર બોલ્ડ ફોટા માટે દિશાને ટ્રોલ થવું પડે છે. દિશા ઘણી વાર તેની બોલ્ડનેસને લઇ પણ ચર્ચામાં રહે છે.