અભિનેત્રી દિશા પટાની અને ટાઈગર શ્રોફનાં સંબંધોને લઈને ઘણી ખબરો સામે આવતા હોય છે ત્યારે પહેલીવાર દિશાએ પોતાના રિલેશન પર ખુલાસો કર્યો છે. પોતાની આગામી ફિલ્મનાં પ્રમોશનમાં વ્યસ્ત દિશાએ ટાઈગર શ્રોફ સાથે ડેટિંગનાં સવાલ પર ખુલીને વાત કરી હતી.
દિશાએ કહ્યું હું ઘણા સમયથી પ્રયત્ન કરી રહી છું પણ તે કામ નથી કરી રહ્યું'
'મલંગ'નાં પ્રમોશન દરમિયાન દિશાએ કરી કબૂલાત
દિશાએ કહ્યું ટાઈગર ક્યારેય તેમની ભાવના સમજી જ નહીં શકે
બોલિવૂડ સ્ટાર દિશા પટાની અને ટાઈગર શ્રોફ વચ્ચે લાંબા સમયથી ડેટિંગની ખબરો આવતી હતી. બંને ઘણી વાર એક સાથે કેમેરામાં કેદ પણ થયા છે. જોકે આ કપલે ક્યારેય પોતાના સંબંધોને લઈને ખુલીને કોઈ વાત કરી નથી. પરંતુ હવે દિશા પાટનીએ મૌન તોડ્યું છે. દિશાએ કહ્યું હતું કે તે ટાઈગરને ડેટ નથી કરી રહી પરંતુ તે ટાઈગરને ઈમ્પ્રેસ કરવા માંગે છે.
દિશાને સવાલ કરવામાં આવ્યો કે શું તે ટાઈગરને ડેટ કરી રહી છે? તેના પર દિશાએ જવાબ આપતાં કહ્યું કે હું ઘણા વર્ષથી પ્રયત્ન કરી રહી છું. પરંતુ આઈડિયા કામ નથી કરી રહ્યો. જે બાદ આદિત્યએ કોમેન્ટ કરતા કહ્યું કે શું તે ખરેખર ટાઈગર માતાએ મહેનત કરી રહી છે? તો દિશાએ જવાબ આપ્યો કે હા તેના માટે કંઈ સારા આઈડિયા આપો. દિશાએ ટાઈગર સાથેનાં રિલેશન પર કહ્યું કે ટાઈગર ખુબ ધીમી ગતિનાં વ્યક્તિત્વ ધરાવતાં વ્યક્તિ છે. તે મારી ભાવનાઓ ક્યારેય સમજી જ ન શકયા. મેં તેમને ઈમ્પ્રેસ કરવા માટે જિમ્નાસ્ટિક શીખ્યું એક ફિલ્મમાં રીંગ સ્ટંટ પણ કર્યું તે છતાં તેઓ મારાથી પ્રભાવિત ન થયા.
હાલના દિવસોમાં દિશા પોતાની આગામી ફિલ્મ મલંગનું પ્રમોશન કરી રહી છે. તે આ ફિલ્મમાં આદિત્ય રોય કપૂર સાથે દેખાશે. દિશાને જ્યારે ટાઈગર શ્રોફ સાથેના સંબંધો પર સવાલ કરવામાં આવ્યા ત્યારે તેમણે આ ખુલાસો કર્યો હતો. દિશાનાં આ નિવેદન બાદ સોશિયલ મીડિયામાં ફરી એકવાર દિશા અને ટાઈગરના સંબંધો પર ચર્ચાઓ થઇ રહી છે.