બોલીવુડમાં ફિટનેસ અને ગ્લેમરસ બંનેની સાથે વાત કરીએ તો દિશા પટણીનો ચહેરો સામે આવે છે. દિશાએ મિક્સ્ડ માર્શલ આટ્ર્સની પણ ટ્રેનિંગ લીધી છે. પરંતુ શું તમે જાણો છો કે આ પ્રકારની ટ્રેનિંગના કારણે દિશા પોતાની યાદશક્તિ ગુમાવી ચુકી હતી. જી હાં. તાજેતરમાં દિશાએ આ વાતનો ખુલાસો કર્યો છે.
દિશાએ કહ્યું કે એક વખત સ્ટંટ કરતી વખતે મારા માથામાં ઇજા પહોંચી હતી. એના કારણે એને છ મહિના સુધી કોઇ હોશ નહતો. કાંકરીથી ભરેલી જમીન પર માથાના બળ તરફ પડવાથી એને આ ઇજા પહોંચી હતી. ઇજા એટલી ગંભીર હતી કે છ મહિના માટે એ પોતાની યાદશક્તિ ગુમાવી બેઠી હતી.
દિશા ફિટનેસને લઇને ખૂબ ક્રેઝી છે. એ જીમમાં ખૂબ જ સમય પસાર કરે છે, જીમ માટે તમારે બહાદુર રહેવું પડે છે. ડેરિંગ કામ કરવા માટે ખતરો તો રહે છે તો ઇજા પણ પહોંચે છે. એક વખત મુશ્કેલ સ્ટંટની પ્રેક્ટિસ કરતાં ઇજા પહોંચી. એનાથી મે છ મહિના માટે મારી લાઇફને ગુમાવી દીધી. એટલા સમય સુધી મને કંઇ યાદ નથી.