હાલ દેશમાં લોકડાઉન છે ત્યારે બોલિવૂડ એક્ટ્રેસ દિશા પટની પણ પોતાનો સમય ઘરે જ વિતાવી રહી છે. આ દરમિયાન તે તેના ડાંસ અને ફિટનેસ વીડિયો દ્વારા ફેન્સને એન્ટરટેન કરતી રહે છે. ત્યારે હાલમાં જ દિશાએ એક જબરદસ્ત ડાંસ વીડિયો શેર કર્યો છે. જે ખૂબ વાયરલ થઈ રહ્યો છે. આ વીડિયોમાં તે અલગ જ અંદાજમાં ડાંસ મૂવ્સ કરતા જોવા મળી રહી છે.
તમને જણાવી દઈએ કે, દિશાનો આ ડાંસ વીડિયો અત્યાર સુધી 3.5 લાખથી વધુ જોવાઈ ગયો છે. ફેન્સ તેના આ ડાંસ વીડિયો પર ખૂબ કમેન્ટ કરી રહ્યાં છે. દિશાએ તેના ઈન્સ્ટાગ્રામ એકાઉન્ટ પર આ વીડિયો શેર કર્યો છે. દિશા પટની સોશિયલ મીડિયા પર ઘણી એક્ટિવ રહે છે. તે અવારનવાર તેના ફેન્સ માટે ફોટોઝ અને વીડિયોઝ શેર કરતી રહે છે.
તમને જણાવી દઈએ કે, દિશાનું યૂટ્યુબ ચેનલ પણ છે જેમાં તે તેની ઈવેન્ટ્સના વીડિયો પોસ્ટ કરતી રહે છે. હાલમાં જ દિશા અને કૃષ્ણા શ્રોફનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં તેણે વ્હાઈટ ટીશર્ટ અને પિંક શોર્ટ્સ પહેર્યું છે. આ વીડિયો પોસ્ટ કરીને દિશાએ લખ્યું હતું- તો આવી છે અમારી ક્વોરંટાઈન લાઈફ.
ઉલ્લેખનીય છે કે, દિશા તેના ગ્લેમરસ અંદાજ માટે જાણીતી છે. તેના વર્ક ફ્રંટની વાત કરીએ તો તે હાલમાં જ મલંગ ફિલ્માં જોવા મળી હતી. જેમાં આદિત્ય રોય કપૂર, અનિલ કપૂર અને કુણાલ ખેમૂ હતા. જોકે, હવે તે સલમાન ખાનની ફિલ્મ રાધેમાં જોવા મળશે. આ સલમાન સાથે તેની બીજી ફિલ્મ છે. આ પહેલાં તે સલમાન સાથે ભારતમાં જોવા મળી હતી.