બોલિવૂડ અભિનેત્રી દિશા પટણી (Disha Patani) અને ટાઇગર શ્રોફ (Tiger Shroff) બી ટાઉનના એવા કપલમાંથી એક છે, જે હમેશાં ચર્ચામાં રહે છે. હાલમાં જ દિશાએ ટાઈગર શ્રોફ અને શ્રદ્ધા કપૂર સ્ટારર બાગી-3માં પણ એન્ટ્રી લઈ લીધી છે. ફિટનેસ ફ્રિક આ હોટ કપલ અનેક વખત સાથે ફરતાં જોવા મળે છે. આ કપલ લંચ અને ડિનર ડેટ પર જતાં હોય છે. જોકે, અત્યાર સુધી આ કપલે પોતાના રિલેશનશિપને લઈને જાહેરમાં કોઈ ખુલાસો કર્યો નથી.
A post shared by Tiger Shroff (@tigerjackieshroff) on
જે રીતે અવાર-નવાર આ બંને હોટ કપલ સાથે જોવા મળે છે, તેને જોતાં તેમના પ્રેમની ચર્ચાઓ પણ વધી ગઈ છે. પણ શું તમને ખબર છે કે, ટાઈગર દિશાનો પહેલો પ્રેમ નથી. ટાઈગર પહેલાં દિશા આ એક્ટરને ડેટ કરી રહી હતી. સમાચારો મુજબ, દિશા પટણી પહેલાં ટેલિવિઝન જગતના ફેવરિટ એક્ટર પાર્થ સમથાનને ડેટ કરી રહી હતી. પાર્થ અત્યારે એરિકા ફર્નાન્ડિસ સાથે 'કસૌટી જિંદગી 2'માં લીડ એક્ટર એટલે કે અનુરાગ બાસુનો રોલ પ્લે કરી રહ્યો છે.
તમને જણાવી દઈએ કે, દિશાએ પાર્થને એક વર્ષ ડેટ કર્યો હતો. તે સમયે દિશા બોલિવૂડમાં આવી નહોતી. જ્યારે પાર્ટ એ દિવસોમાં 'કૈસી યે યારિયાં'માં કામ કરી રહ્યો હતો અને દિશાથી વધારે લોકપ્રિય હતો.
દિશા પટણી પાર્થ સમથાન અને ટીવી નિર્માતા અને બિગ બોસ 11ના કન્ટેસ્ટન્ટ વિકાસ ગુપ્તાની મિત્રતાથી ખુશ નહોતી. સાથે જ પાર્થ સમથાન અને વિકાસ ગુપ્તાની ઈન્ટીમેટ તસવીરો લીક થવાને કારણે પણ તે ખૂબ જ દુઃખી હતી. આ કારણે તેણે પાર્થ સમથાન સાથે પોતાના સંબંધનો અંત લાવી દીધો અને બંને અલગ થઈ ગયા. જ્યારે પાર્થે આ મામલે ખુલાસો કર્યો હતો અને તેણે પોતાના અને દિશાના બ્રેકઅપ વિશે ખુલીને વાત કરી હતી.