બોલિવૂડમાં પોતાની બોલ્ડનેસ અને ટેલેન્ટના દમ પર થોડાં જ સમયમાં ટોચનું મુકામ હાંસલ કરનાર એક્ટ્રેસ દિશા પટનીનો આજે જન્મદિવસ છે. 13 જૂન 1992માં દિશાનો જન્મ થયો હતો. આજે તે પોતાનો 29મો જન્મદિવસ સેલિબ્રેટ કરી રહી છે. તેની છેલ્લી ફિલ્મ 'મલંગ' હતી. ફિલ્મો સિવાય દિશા તેના અફેરને લઈને પણ ઘણી ચર્ચામાં રહે છે. અત્યારે તેનું નામ બોલિવૂડ એક્ટર ટાઈગર શ્રોફ સાથે જોડાયેલું છે, પણ શું તમે જાણો છો કે આ પહેલાં પણ દિશાનો એક ટેલિવિઝનના જાણીતા એક્ટર સાથે અફેર રહી ચૂક્યો છે. ચાલો જણાવીએ.
આજે દિશા પટની તેનો 29મો જન્મદિવસ સેલિબ્રેટ કરી રહી છે
પોતાના અફેરને કારણે ચર્ચામાં રહે છે દિશા
ટાઈગર શ્રોફ પહેલાં ટીવીના આ જાણીતા એક્ટર સાથે હતું દિશાનું અફેર
તમને જણાવી દઈએ કે, એક સમયે દિશા પટની ટીવીના જાણીતા એક્ટર પાર્થ સમથાનને ડેટ કરતી હતી. પાર્થ અત્યારે એકતા કપૂરના શો 'કસૌટી જિન્દગી કી'માં લીડ રોલ પ્લે કરી રહ્યો છે. એવું કહેવાય છે કે, જ્યારે દિશા મોડલિંગ કરતી હતી ત્યારે લગભગ એક વર્ષ સુધી પાર્થ સમથાનને ડેટ કર્યો હતો. ત્યારબાદ અચાનક બંનેનું બ્રેકઅપ થઈ ગયું અને બ્રેકઅપનું કારણ જાણી તમે ચોંકી જશો. ઘણી મીડિયા રિપોર્ટ્સે દાવો કર્યો હતો કે, દિશાને ખબર પડી ગઈ હતી કે, પાર્થ તેને ચીટ કરી રહ્યો છે. જે બાદ દિશાએ આ સંબંધને ખતમ કરી દીધો.
જોકે, પાર્થ સાથે બ્રેકઅપ બાદ દિશા ખૂબ જ અપસેટ થઈ ગઈ હતી, પણ તેણે તેની સંપૂર્ણ એનર્જી તેના બોલિવૂડ કરિયરને બનાવવામાં લગાવી. ઘણીવખત દિશા અને પાર્થની જૂની તસવીરો સોશિયલ મીડિયા પર વાયરલ થાય છે અને તેમની તસવીરો વાયરલ થતાં તેમના અફેરની પણ ચર્ચાઓ થવા લાગે છે. જોકે, આ બાબતે કેટલી સચ્ચાઈ છે તે અંગે કોઈ પુષ્ટિ થઈ નથી.
એવું કહેવાય છે કે, પાર્થ સાથેના બ્રેકઅપ બાદ દિશા અને ટાઈગર મળ્યા અને દિશા લાંબા સમયથી ટાઈગરને ડેટ કરી રહી છે. જોકે, હજી સુધી આ બંનેએ પોતાના સંબંધોને લઈને કોઈ ખુલાસો કર્યો નથી. જોકે, સોશિયલ મીડિયા પર તેમના રિલેશનશિપના પુરાવા મળી જાય છે. બંને ઘણી જગ્યાએ અવારનવાર સાથે જોવા મળે છે.