રાજકારણ / આખરે કેમ ગુજરાતના બે દિગ્ગજ નેતા વચ્ચે વિખવાદ હોવાની ચર્ચા તેજ? સંગઠન સરકારને નથી કરતું સપોર્ટ?

• ભાજપમાં આંતરિક વિખવાદ હોવાની ચર્ચા
• સંગઠન સરકારને સપોર્ટ ન કરતું હોવાની ચર્ચા
• સો.મીડિયા પરની સ્થિતિથી ચર્ચાને મળ્યો વેગ

ટોચના બે નેતાઓ વચ્ચે આંતરિક વિખવાદની ચર્ચાઓ તેજ

કોરોના વાયરસના કારણે ગુજરાત સતત કેસ વધી રહ્યા છે ત્યાં અવ્યવસ્થાના કારણે પ્રજામાં ભારે અસંતોષની ભાવના પેદા થઈ ગઈ છે ત્યાં હવે ભાજપના સંગઠન અને સરકાર વકકે આંતરિક વિખવાદ હોવાની ચર્ચાએ વેગ પકડ્યો છે. સોશ્યલ મીડિયામાં પણ આ મુદ્દે ચર્ચા તેજ થઈ છે ત્યારે નેતાઓમાં પણ અંદરોઅંદર આ મુદ્દે ખટપટ હોવાનું મનાઈ રહ્યું છે. 

સોશિયલ મીડિયા પરની સ્થિતિથી ચર્ચાને મળ્યો વેગ 

ગુજરાત રાજ્યના બે સૌથી મોટા નેતાઑ વચ્ચે સંકલન ઓછું થઈ ગયું હોવાનું સૂત્રો દ્વારા દાવો કરવામાં આવ્યો છે. લોકોમાં ચર્ચા છે કે ભાજપ સંગઠન સરકારને સપોર્ટ નાથી કરી રહ્યું છે, ગાંધીનગરમાં ભાજપના નેતાઓમાં આ મુદ્દે ભારે અસમંજસ હોવાનું પણ સામે આવ્યું છે. આટલું જ નહીં ભાજપ સંગઠન હવે સોશ્યલ મીડિયામાં પણ ભાજપ સંગઠન દ્વારા સરકારને સપોર્ટ આપવાનું બંધ કરી દેવામાં આવ્યું છે. 

CM રૂપાણીના ટ્વીટ ભાજપ ટ્વીટર હેન્ડલ પર નથી જોવા મળતા

ગાંધીનગરમાં નેતાઓમાં ચર્ચા છે કે રાજ્યમાં ભાજપ સંગઠન પોતાની મનમાની કરી રહ્યું છે. હવે તો ભાજપ દ્વારા CM રૂપાણીના ટ્વીટ ભાજપ ટ્વીટર હેન્ડલ પર નથી જોવા મળતા આટલું જ નહીં CMના ટ્વીટને લાઇક કે રિટ્વીટ પણ નથી કરવામાં આવતી.