હિન્દુઓની આસ્થ્ના પ્રતિકસમા ભગવાન સોમનાથ મંદિર પર સંદિગ્ધ ગતિવિધિઓ પર નજર રાખવા હવે કોસ્ટગાર્ડ દ્વારા હેલિકોપ્ટરથી પેટ્રોલિંગ કરવામાં આવી રહ્યુ છે
સોમનાથ મંદિરને Z+ સુરક્ષા
કોસ્ટગાર્ડ દ્વારા હેલિકોપ્ટરથી પેટ્રોલિંગ
2 હેલિકોપ્ટરથી સોમનાથ મંદિરની સુરક્ષા
હિન્દુઓની આસ્થાના પ્રતિકસમા સોમનાથ મંદિરની સુરક્ષામાં તંત્ર ખડેપગે છે. દીપાવલીના તહેવારો દરમિયાન શ્રદ્ધાળુઓની ભારે ભીડ સોમનાથના પરિસરમાં જોવા મળતી હોય છે ત્યારે, સંદિગ્ધ ગતિવિધિઓ પર નજર રાખવા હવે કોસ્ટગાર્ડ દ્વારા હેલિકોપ્ટરથી મંદિર પર પેટ્રોલિંગ કરવામાં આવી રહ્યુ છે. વારંવાર મંદિરને ઉડાવી દેવાની ધમકી આપનારા નાપાક ઈરાદાઓ ધરાવતા શખ્સોનાં બાદ ઈરાદાઓને જમીનમાં ધરબી દેવા માટે એર પેટ્રોલિંગ શરુ કરાયું છે. કોસ્ટગાર્ડના 2 હેલિકોપ્ટર 700 મીટરથી ઉંચાઈથી પેટ્રોલિંગ કરીને મંદિરનું રક્ષણ કરી રહ્યા છે.ઉલ્લેખનીય છે કે સોમનાથ મંદિરને Z+ સુરક્ષા આપવામાં આવી છે.
કોસ્ટ ગાર્ડનું હેલિકોપ્ટર પેટ્રોલિંગ
હવે દીપાવલીના પર્વ અને શાળાઓમાં વેકેશનનો સમય શરુ થશે.ત્યારે સોમનાથથી માત્ર 40 કિલોમીટર જ દૂર આવેલા સાસણમાં સિંહ દર્શન માટે હજારો પ્રવાસીઓ આવવા શરુ થયા છે.પ્રવાસીઓ સાસણ સુધી આવ્યા હોય અને સોમનાથ મંદિરના દર્શનનો લાભ ના લે,એ શક્ય જ નથી.આવા સંજોગોમાં પ્રવાસીઓના ઘસારા વચ્ચે કોઈ ના પાક ઈરાદા ધરાવતા શખ્સો પોતાના મનસૂબામાં કામિયાબ ના થાય તેની પણ કાળજી લેવાઈ રહી છે.છાસવારે,મદિર અંગે ધમકીઓ મળતી રહેતી હોય છે.આ વચ્ચે કોસ્ટ ગાર્ડે હવે સોમનાથ મંદિરનું 'એર પેટ્રોલિંગ 'શરુ કર્યું છે.