અમેરિકા / PM મોદીના અમેરિકા પ્રવાસની વચ્ચે ટિકૈતના ટ્વિટની ચર્ચા, બાયડનને કરી આ માંગ

• આંદોલન મામલે ખેડૂતો પીછે હઠ કરવા તૈયાર નથી 
• 11 મહિનાનાં વિરોધમાં 700 ખેડૂતોએ પોતાના જીવ ગુમાવ્યા છે
• PM મોદીના પ્રવાસ વચ્ચે નવો વિવાદ શરૂ થયો 

આંદોલન મામલે ખેડૂતો પીછે હઠ કરવા તૈયાર નથી 

ભારતમાં ચાલી રહેલા ખેડૂત આંદોલનને હવે એક વર્ષ પૂર્ણ થવા આવ્યું છે ત્યારે આંદોલનમાં સરકાર અને ખેડૂતો પીછેહઠ કરવા માટે તૈયાર નથી ત્યારે આંદોલનને વધુને વધુ સક્રિય બનાવવા માટે થનગની રહેલા રાકેશ ટિકૈત ફરી ચર્ચામાં આવ્યા છે. દેશના આંતરિક મુદ્દામાં અમેરિકાના રાષ્ટ્રપતિથી હસ્તક્ષેપ કરવા માંગ કરી છે જે બાદ ઘણા બધા લોકો તેનો વિરોધ કરી રહ્યા છે. 

Dear @POTUS, we the Indian Farmers are protesting against 3 farm laws brought by PM Modi's govt. 700 farmers have died in the last 11 months protesting. These black laws should be repealed to save us. Please focus on our concern while meeting PM Modi. #Biden_SpeakUp4Farmers

— Rakesh Tikait (@RakeshTikaitBKU) September 24, 2021

રાકેશ ટિકૈતે ટ્વિટ કરીને અમેરિકાના રાષ્ટ્રપતિને હસ્તક્ષેપ કરવા માંગ કરી

આજે જ પીએમ મોદી અને અમેરિકાનાં રાષ્ટ્રપતિ વચ્ચે વોશિંગ્ટનમાં મુલાકાત થવાની છે ત્યારે ખેડૂત નેતા રાકેશ ટિકૈતે ટ્વિટ કરીને કહ્યું છે કે અમેરિકાના રાષ્ટ્રપતિ જ્યારે  PM મોદીને મળે ત્યારે અમારી સમસ્યાનું ખાસ ધ્યાન આપવામાં આવે. પીએમ મોદીએ જે ત્રણ કાયદા લગાવ્યા છે તેનો અમે વિરોધ કરી રહ્યા છે અને 11 મહિનાનાં વિરોધમાં 700 ખેડૂતોએ પોતાના જીવ ગુમાવ્યા છે. આ કાળા કાયદા સામે અમારી રક્ષા ખૂબ જરૂરી છે.  નોંધનીય છે કે વડાપ્રધાન નરેન્દ્ર મોદી અત્યારે અમેરિકાના પ્રવાસ પર છે અને ત્યાં વાઇસ પ્રેસિડેન્ટ કમલા હેરિસ સાથે મીટિંગ કરી છે. આ પહેલા તેમણે અમેરિકાના ટોપ બિઝનેસમેન સાથેબેઠક કરી હતી.