સૂરજ પર સોનાનો વિશાળ ભંડાર છે અને તેના જેવા તારાઓથી ધરતી પર પણ સોનું આવે છે. ધરતીમાં અંદર એટલું સોનું છે કે આખી ધરતી પર ફેલાવતા 16 ઈંચનું એક પડ બની શકે.
મહાસાગર ભરી શકાય તેટલું સોનું પડ્યું છે અહીં
હકીકત જાણીને વૈજ્ઞાનિકો પણ થઈ ગયા વિચારતા
ધરતીમાં અંદર એટલું સોનું છે કે તેને ફેલાવતા 16 ઇંચનું પડ બની શકે
દુનિયાની અર્થવ્યવસ્થા હોય કે ફક્ત ભારતીય પરંપરા, સોનાની કિમત સૌથી વધારે રહેતી હોય છે. આ પાછળનું મોટું કારણ છે કે તે દુર્લભ છે. ધ્યાન આપવાની વાત એ છે કે ધરતી પર ભલે સોનું દુર્લભ ધાતુમાંનું એક હોય પણ ધરતીના મહાસાગરમાં જેટલું પાણી છે તેનાથી પણ વધારે સોનું અહીં છે. આ જગ્યા છે આપણું સૌર મંડળનુ કેન્દ્ર એટલે કે સૂરજ. સદીઓ પહેલા વૈજ્ઞાનિકોએ સોનાનો ભંડાર કેવી રીતે જાણ્યો હતો તેની પાછળ પણ અનેક રોચક વાતો જોડાયેલી છે.
16 કિમી દૂર લાગેલી આગથી થઈ હતી શરૂઆત
મળતી માહિતી અનુસાર એસ્ટ્રોનોમી મેગેઝિનના એક રિપોર્ટમાં ઉલ્લેખ છે કે 1859ની રાતના એક જાણીતા કેમિસ્ટ રોબર્ટ બેનસન અને ગુસ્ટાવ કિશોકે જર્મીનના મૈનહીમ શહેરમાં આગ જોઈ. આ આગ તેમની હીડલબર્ગ યુન.ની લેબથી 10 મીલ દૂર હતી. આ ઘટનામાં તેમને વિચાર આવ્યો કે પોતાના નવા સ્પેક્ટ્રોસ્કોપનો ઉપયોગ કરાય. આ ડિવાઈસની મદદથી રોશનીને અલગ અલગ વેવલેન્થમાં વહેંચીને કેમિકલ એલિમેન્ટને ઓળખી શકાય છે. તેઓએ બારી પર સ્પેક્ટ્રોસ્કોપ લગાવ્યું અને આગની લપેટોમાં શોધ્યું બેરિયમ અને સ્ટ્રોન્શિયમને. આજે દુનિયાની લેબમાં વપરાતા બેનસન બર્નરને ડિઝાઈન કરનારા રોબર્ટે સૂચન કર્યું કે તેને સ્પેક્ટ્રોસ્કોપીનો ઉપયોગ સૂરજ અને ચમકીલા તારાના વાયુમડળ પર પણ કરી શકાય છે.
આ રીતે થઈ સોનાની શોધ
લગભગ 10 વર્ષ પછી, 18 ઓગસ્ટ, 1868 ના પૂર્ણ સૂર્યગ્રહણ દરમિયાન અનેક ખગોળશાસ્ત્રીઓએ સ્પેક્ટ્રોસ્કોપીની મદદથી સૂર્ય પર હિલીયમની શોધ કરી. આ પછી એક પછી એક કાર્બન, નાઇટ્રોજન, આયર્ન અને અન્ય ભારે ધાતુઓ સૂર્યના વાતાવરણમાં મળી. તેમાંથી એક સોનું હોવાનું પણ માનવામાં આવી રહ્યું છે. 18મી સદીના અંતમાં અને 19મી સદીની શરૂઆતમાં ઘરતીની ઉત્પત્તિ અને ઇતિહાસને લઈને સમજવાની સાથે એ સવાલ પણ સામે આવવા લાગ્યો કે અરબો વર્ષ સુધી સૂરજ અને અન્ય તારાઓ કેવી રીતે ચમકી રહ્યા છે. લાંબા સમયથી ચાલતા સંશોધનમાં વૈજ્ઞાનિકોએ શોધ્યું કે સૂર્ય પર 2.5 ટ્રિલિયન ટન સોનું છે. તેટલું સોનું પૃથ્વી પરના બધા સમુદ્રોને ભરી શકે છે. પછીથી બીજી એક શોધ કરવામાં આવી અને તેમાં જાણવા મળ્યું કે પૃથ્વી પર હાજર સોનું આજે સૂર્ય જેવા સિતારાઓથી ન્યુટ્રોન તારાઓ બન્યું હતું અને પછી એકબીજા સાથે ટકરાયું હતું.
ધરતી પર આ રીતે આવ્યું સોનું
જ્યારે કોઈ સિતારા જીવનના આખરી ચરણમાં હોય છે ત્યારે તેની કોર ઢળે છે અને સુપરનોવા વિસ્ફોટ થાય છે. સિતારાની બહારનું પડ સ્પેસમાં ફેલાય છે અને તે સમયે ન્યૂટ્રોન કેપ્ચર રિએક્શન હોય છે. તેનાથી પેદા થતા લોખંડથી ભારે પ્રમાણમાં એલિમેન્ટ્સ. જ્યારે 2 ન્યૂટ્રોન સ્ટાર એકમેક સાથે અથડાય છે તો ન્યૂટ્રોન કેપ્ચર રિએક્શનના કારણે સ્ટ્રોન્શિયમ, થોરિયમ, યૂરેનિયમની સાથે સોનું બને છે. બ્રહ્માંડ બન્યા બાદથી એવા અથડાવ થયા અને તેમાં સ્પેસમાં સોનું ફેલાયું જે ધરતી પર આવ્યું છે. એટલે કે સોનું ફક્ત એટલા માટે ખાસ નથી કે તે ધરતી પર દુર્લભ છે પણ એટલા માટે પણ ખાસ છે કે તે સીધું આસમાનથી જમીન પર આવે છે.