લીમા શહેરના બહારના વિસ્તારમાં ભૂમિ નીચે બનેલા એક માળખામાં આ મમી મળી. તેમણે કહ્યું કે કબરમાં સિરામિક માટીની વસ્તુઓ, શાકભાજીઓના અવશેષો અને પત્થરોના ઓજાર પણ રાખવામાં આવ્યાં હતા.
પેરૂમાંથી મળી આવ્યું 800 વર્ષ જૂનું મમી
કબરમાં સિરામિક માટીની વસ્તુઓ અને શાકભાજીઓના અવશેષો મળ્યાં
મમી મહિલાની છે કે પુરૂષની તે હજુ સ્પષ્ટ થયુ નથી
પેરૂ અસંખ્ય આર્કિયોલોજીક સ્થાનોનું ઘર
પેરૂ ઈન્કા સામ્રાજ્ય પહેલા અને બાદમાં વિકસિત સંસ્કૃતિઓના અસંખ્ય આર્કિયોલોજીક સ્થાનોનું ઘર છે. 500 વર્ષ પહેલાં દક્ષિણી ઈક્વાડોર અને કોલંબિયાથી લઇને મધ્ય ચિલી સુધી દક્ષિણ અમેરિકાના દક્ષિણના ભાગો પર ખાસ અસર હતી.
800 વર્ષો જૂની એક મિમી શોધી કાઢી
નિષ્ણાંતોની એક ટીમે પેરૂના કેન્દ્રીય કિનારા પર ઓછામાં ઓછા 800 વર્ષો જૂની એક મિમી શોધી કાઢી છે. ટીમના નિષ્ણાંતોમાંથી એક વ્યક્તિએ શુક્રવારે આ માહિતી આપી. એક સમાચાર એજન્સીના જણાવ્યાં મુજબ, મમી અવશેષ એવી સંસ્કૃતિના વ્યક્તિ હતા. જે દક્ષિણ અમેરિકન દેશના કિનારા અને પહાડોની વચ્ચે વિકસિત થઇ હતી.
આખા શરીરને દોરડા દ્વારા બાંધી દેવામાં આવ્યું
પુરાતત્વીય પીટર વાન ડેલન લૂનાએ કહ્યું કે મમી લીમા ક્ષેત્રમાં શોધી કાઢી હતી. જોકે હજી સુધી આ સ્પષ્ટ થયુ નથી કે શોધવામાં આવેલી મમી મહિલાની છે કે પુરૂષની. સ્ટેટ યુનિવર્સિટી ઓફ સૈન માર્કોસના વૈન ડાલન લૂનાએ કહ્યું, મમીની મુખ્ય વિશેષતા એ છે કે આખા શરીરને દોરડા દ્વારા બાંધી દેવામાં આવ્યું હતુ અને હાથથી ચહેરાને ઢાંકી દેવામાં આવ્યો હતો. આ સ્થાનિક અંતિમ સંસ્કારના નિયમનો ભાગ હતો. તેમણે કહ્યું કે આ અવશેષ એવા વ્યક્તિના છે, જે દેશના ઉચ્ચ અન્ડીયન ક્ષેત્રમાં રહેતો હતો. રેડિયોકાર્બન ડેટીંગ દ્વારા યોગ્ય સમયનો અંદાજ લગાવી શકાય છે.