ઑટો / TATAની સૌથી સસ્તી કાર પર મળી રહ્યું છે બમ્પર ડિસ્કાઉન્ટ, કિંમત 5 લાખથી પણ ઓછી

• Tiagoની ખરીદી પર રૂ.35000નું ડિસ્કાઉન્ટ 
• TATA મોટર્સ લાવ્યું અનોખી ઑફર 
• હેચબેક કારમાં મળશે હાઈ ક્વોલિટી ફીચર્સ 

દેશની સૌથી મોટી વાહન ઉત્પાદન કંપની TATA Motors તેની સૌથી બેસ્ટ અને સસ્તી હેચબેક કાર Tiagoની ખરીદી પર આ મહિનામાં ભારે ડિસ્કાઉન્ટ આપી રહી છે. એક રિપોર્ટ અનુસાર, કંપની આ કાર પર 35000 રૂપિયા સુધીનું ડિસ્કાઉન્ટ ઓફર કરી રહી છે. તેમાં 20,000 રૂપિયા કેશ ડિસ્કાઉન્ટ અને 15,000 રૂપિયાના એક્સેન્જ બોનસનો સમાવેશ થાય છે. આ ડિસ્કાઉન્ટ કંપની કારના દરેક મોડલ પર આપી રહી છે અને તેમાં Tata Tiago પણ સામેલ છે. 

કેવી છે આ હેચબેક કાર?
કંપનીની તમામ કાર આકર્ષક અને મજબૂત બનાવટ માટે જાણીતી છે. આ કાર હેચબેક તરીકે પણ ખૂબ ઉપયોગી છે. Tiago આમાં કંપનીએ 1.2 લિટર ક્ષમતાવાળા પેટ્રોલ એન્જિનનો ઉપયોગ કર્યો છે જે 86PSની પાવર અને 113Nmનો ટોર્ક જનરેટ કરે છે. આ એન્જિન 5 સ્પીડ મેન્યુઅલ અને ઓટોમેટિક ગિયરબોક્સ ધરાવે છે.

શું હશે આ હેચબેક કારની કિંમત?
કુલ 10 મોડલ્સમાં આવનાર Tiagoની કિંમત દિલ્હીના એક શોરૂમમાં 4.99 લાખથી રૂપિયાથી લઈને 6.95 લાખ રૂપિયા સુધીની છે. તાજેતરમાં, કંપનીએ નવું ફેસલિફ્ટ Tiago NRG મોડલ લોન્ચ કર્યું છે, જેની કિંમત 6.57 લાખ રૂપિયા છે. માઇલેજની દ્રષ્ટિએ પણ આ કાર ઘણી સારી છે, સામાન્ય રીતે આ કાર 23થી 24 kmplની માઇલેજ આપે છે. 

હેચબેક કારમાં મળશે આ ખાસ ફીચર્સ 
કંપનીએ આ હેચબેક કારની કિંમત અનુસાર વધુ સારી સુવિધાઓનો સમાવેશ કર્યો છે. કારમાં 15 ઇંચના એલોય વ્હીલ્સ, વાઇપર્સ સાથે રિયર ડિફોગર, એપલ કારપ્લે, એન્ડ્રોઇડ ઓટો કનેક્ટીવીટી વાળી 7 ઇંચની ટચસ્ક્રીન ઇન્ફોટેનમેન્ટ સિસ્ટમ, હરમન બ્રાન્ડની પ્રીમિયમ 8-સ્પીકર સાઉન્ડ સિસ્ટમ, ઓટોમેટિક ક્લાઇમેટ કંટ્રોલ અને કૂલ્ડ ગ્લોવબોક્સ આપવામાં આવ્યા છે.

ઓટોમેટિક મોડલમાં મળશે વધુ સુવિધાઓ 
હેચબેક કારના ઓટોમેટિક મોડલમાં કેટલીક વધારાની સુવિધાઓ પણ મળે છે, જેમાં ક્રીપ ફંક્શન અને 'સ્પોર્ટ' મોડનો સમાવેશ થાય છે.     સેફટી માટે આ કારમાં ઇલેક્ટ્રોનિક બ્રેકફોર્સ ડિસ્ટ્રિબ્યુશન (EBD), એન્ટી લોક બ્રેકિંગ સિસ્ટમ (ABS),રિયર પાર્કિંગ સેન્સર, ડ્યુઅલ ફ્રન્ટ એરબેગ્સ, સ્પીડ એલર્ટ સિસ્ટમ અને કોર્નર સ્ટેબિલિટી કંટ્રોલ જેવી સુવિધાઓ છે.