ભારતીય બજારમાં શાનદાર લુક, લો મેન્ટેનેન્સ અને બેસ્ટ માઈલેજ ધરાવતી મારૂતિ સુઝુકીની બેસ્ટ સેલિંગ સિડાન કાર ડિઝાઈર પર કંપની બંપર ડિસ્કાઉન્ટ આપી રહી છે. લોકડાઉનના નિયમોમાં છૂટ મળ્યા બાદ દેશમાં કાર કંપનીઓની ડીલરશિપ ખુલવાની પણ શરૂ થઈ ગઈ છે. જેથી હવે કંપનીઓ બિઝનેસ વધારવા માટે ઘણી ઓફર આપી રહી છે. મારૂતિ સુઝુકી હવે તેની બેસ્ટ સેલિંગ સબ કોમ્પેક્ટ સિડાન કાર મારૂતિ ડિઝાયરના નવા મોડલ પર જોરદાર છૂટ આપી રહી છે.
તમને જણાવી દઈએ કે મારૂતિ ડિઝાયરના નવા મોડલ પર કંપની 48 હજાર સુધીનું ડિસ્કાઉન્ટ આપી રહી છે. મારૂતિની આ કાર પર 48 હજાર રૂપિયાના બેનિફિટ્સમાં અલગ-અલગ ઓફર સામેલ છે. તેમાં 20 હજાર રૂપિયા કેશ ડિસ્કાઉન્ટ, 25 હજાર રૂપિયા એક્સચેન્જ બોનસ અને 3 હજાર રૂપિયા કોર્પોરેટ ડિસ્કાઉન્ટ સામેલ છે. ડિઝાયરની કિંમત 5.89 લાખથી 8.81 લાખ રૂપિયા છે.
મારૂતિ ડિઝાયર ફેસલિફ્ટમાં નવી ગ્રિલ, નવું ફ્રંટ બંપર, નવી ફોગ લેમ્પ હાઉસિંગ, નવી ડિઝાઈનનું એલોય વીલ્ઝ આપવામાં આવ્યું છે. જૂના મોડલની સરખામણીએ નવી ડિઝાયરના રિયર બંપરની ડિઝાઈનમાં પણ થોડાં બદલાવ કર્યાં છે. કેબિનમાં મારૂતિ સુઝુકીનું લેટેસ્ટ સ્માર્ટપ્લે સ્ટૂડિયો ઈન્ફોટેનમેન્ટ સિસ્ટમ પણ આપવામાં આવી છે.
નવી ડિઝાયરમાં સૌથી મોટો ફેરફાર એન્જિનમાં થયો છે. તેમાં 90hp પાવરવાળા બીએસ6 કમ્પ્લાયંટ 1.2 લીટર ડ્યૂલજેટ પેટ્રોલ એન્જિન આપવામાં આવ્યો છે. કારના નવા એન્જિનનું પાવર 7hp છે. નવા એન્જિનની સાથે 5 સ્પીડ મેન્યુઅલ અને એએમટી ગિયરબોક્સનું ઓપ્શન આપવામાં આવ્યું છે.
મારૂતિ સુઝુકીએ એપ્રિલ 2020થી ડીઝલ મોડલ બંધ કરી દીધું છે. એવામાં કંપનીની અન્ય કારોની જેમ ડિઝાયરમાં પણ ડીઝલ એન્જિનનું ઓપ્શન નથી. માર્કેટમાં ડિઝાયરની ટક્કર હોન્ડા અમેઝ, હ્યૂન્ડાઈ ઓરા, ટાટા ટિગોર અને ફોર્ડ એસ્પાયર જેવી કારોથી થશે.