હેલ્થ / રોજ સવારે નાસ્તામાં કોર્નફ્લેક્સ ખાઓ છો? તો આજથી જ બંધ કરી દેજો નહીતર...

• નાસ્તામાં ન ખાઓ કોર્નફ્લેક્સ 
• કોર્નફ્લેક્સ ખાવાથી શરીરને અનેક પ્રકારનું નુકસાન
• પોષણના નામે કંઇ મળતુ નથી

કોર્નફલેક્સને લગતી વિવિધ પ્રકારની આકર્ષક જાહેરાતો જોઈને લોકો માને છે કે તે આરોગ્ય માટે ખૂબ જ ફાયદાકારક અને આરોગ્યપ્રદ નાસ્તો છે, જોકે તેને માનીએ છીએ તેટલુ તે આરોગ્યપ્રદ નથી. તેને ખાવાથી શરીરને અનેક પ્રકારનું નુકસાન પણ થઈ શકે છે. ચાલો તેના વિશે જાણીએ.

તેનો ગ્લાયકેમિક ઇન્ડેક્સ વધુ છે
દરરોજ કોર્નફ્લેક્સનું સેવન કરવાથી ડાયાબિટિસ થવાનું જોખમ રહે છે, કારણ કે તેનો ગ્લાયકેમિક ઇન્ડેક્સ વધારે છે. ખરેખર ગ્લાયકેમિક ઇન્ડેક્સ તો માપદંડ છે, જેના દ્વારા જાણવા મળે છે કે કોઈ પણ ખાદ્ય ચીજો કેટલી માત્રામાં અને કેટલી ઝડપી બ્લડમાં શુગર લેવલ વધારે છે. કોર્નફ્લેક્સમાં ગ્લાયકેમિક ઇન્ડેક્સ વધુ હોય છે. ખરેખર, ગ્લાયકેમિક ઇન્ડેક્સ 55 અથવા તેનાથી ઓછા પોઈન્ટ્સને વધુ સારું માનવામાં આવે છે અને 56થી 69 ગ્લાયકેમિક ઇન્ડેક્સ મધ્યમ વર્ગમાં રાખવામાં આવે છે. આ સાથે જ 70થી ઉપરના ગ્લાયકેમિક ઇન્ડેક્સવાળી ખાદ્ય ચીજોને ઉચ્ચ ગ્લાયકેમિક ઇન્ડેક્સ કેટેગરીમાં રાખવામાં આવે છે.

પોષણના નામે છે ઝીરો
ભલે તમે સારા સ્વાસ્થ્ય અને વજન ઘટાડવા માટે કોર્નફ્લેક્સનું સેવન કરો. પરંતુ તમને જણાવી દઈએ કે તેમાં પોષક મૂલ્ય શૂન્ય છે. રોજ વધુ કોર્નફલેક્સનું સેવન કરવાથી તમારું વજન ઓછું થવાને બદલે વધી શકે છે. કારણ કે તેના વપરાશને લીધે બ્લેન્ક કેલરી શરીરમાં જઇ રહી છે. હકીકતમાં કોર્ન ફ્લેક્સના એક કપમાં લગભગ 101 કેલરી, 24 ગ્રામ કાર્બોહાઇડ્રેટ અને 266 મિલિગ્રામ સોડિયમ હોય છે. સાથે જ કોર્ન સીરપ અને વનસ્પતિ તેલ જેવા ઘણા ઘટકો પણ તેમાં ભળી જાય છે, જે સ્વાસ્થ્યને ફાયદો કરવાને બદલે નુકસાન પહોંચાડે છે.

કોર્ન સિરપ અને સ્વીટનર
કોર્ન ફ્લેક્સનું સેવન કરવાથી વજન અને બ્લડ શુગર બંને વધવાનું જોખમ રહે છે. ખરેખર કોર્ન ફ્લેક્સ એટલું પણ સ્વાદિષ્ટ નથી. તેને સ્વાદિષ્ટ બનાવવા માટે ઘણી પ્રક્રિયાઓમાંથી પસાર કરવામાં આવે છે. કોર્નફ્લેક્સને સ્વાદિષ્ટ બનાવવા માટે સોડિયમમાં ગરમ કરવામાં આવે છે અને તેમાં કોર્ન સિરપ અને સ્વીટનર પણ ઉમેરવામાં આવે છે. કારણ કે તેનો મૂળ ટેસ્ટ કાચા ઓટ્સ અથવા અનાજ જેવો હોય છે, જે ખાવા માટે સારું નથી.